O‘zbekiston TIV rahbari Baxtiyor Saidov kecha Pokiston elchisi etib tayinlangan Ahmad Faruqdan ishonch yorliqlari nusxalarini qabul qildi.
Foto: TIV axborot xizmati
Suhbat chog‘ida O‘zbekiston-Pokiston o‘rtasidagi siyosiy muloqot, savdo-iqtisodiy va transport-kommunikatsiya aloqalari, shuningdek, mintaqalararo hamda madaniy-gumanitar almashinuvlarni yanada rivojlantirish bo‘yicha takliflar ko‘rib chiqildi.
Ikki tomonlama va ko‘p tomonlama shakllarda bo‘lajak tadbirlarning jadvali hamda tashkiliy jihatlari muhokama qilindi.
Ahmad Faruq 2020-2023 yillarda Pokistonning mamlakatdagi diplomatik missiyasiga rahbarlik qilgan elchi Sayyid Ali Asad G‘iloniy o‘rniga tayinlandi.
