Toshkent shahrida avtobus ehtiyot qismini o‘g‘irlash holati bo‘yicha jinoyat ishi qo‘zg‘atildi. Bu haqda poytaxt IIBB xabar bermoqda.
Yashnobod tumani IIO FMBga kelib tushgan xabarga ko‘ra, noma’lum shaxs avtobus parkining devoridan oshib o‘tib, u yerda turgan «MAN» rusumli avtobusning 25 000 000 so‘mlik taxografini o‘g‘irlab ketgan.
Ko‘rilgan chora-tadbirlar natijasida, ushbu jinoyatni sodir etishda gumon qilingan 44 yoshli A.M. aniqlanib, qo‘lga olingan.
Mazkur holat yuzasidan O‘zbekiston Respublikasi Jinoyat kodeksining 169-moddasi (“O‘g‘rilik”) bilan jinoyat ishi qo‘zg‘atilgan. Tergov davom etmoqda.
