18:57 / 31.05.2018
6327

Toshkentda olib qochilgan «Matiz» qismlarga ajratilgan holda topildi

2018 yil 10 may kuni Toshkent shahrining Chilonzor tumanida noma'lum shaxs Bunyodkor ko‘chasida joylashgan “Do‘stlik” bozori oldida qarovsiz qoldirilgan D.R. ismli ayol boshqaruvidagi “Matiz Best” rusumli avtomashinasini haydab qochgan. 

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, olib borilgan qidiruv ishlari natijasida avtomashina Bunyodkor ko‘chasida joylashgan “Karvonboshi” oshxonasi oldidan 4 dona g‘ildiraklari, old va orqa tomon o‘rindiqlari, konditsioneri, old tomon chiroqlari yechib ketilgan, hamda avtomashina salonida bo‘lgan D.R.ni fuqarolik pasporti, haydovchilik guvohnomasi va avtomashina hujjatlari olib ketilgan holda topilgan. 

Ko‘rilgan choralar natijasida ushbu jinoyatni Toshkent viloyatida yashovchi muqaddam sudlangan M.Yu. sodir etganligi aniqlanib ushlangan.

Top