AQSh prezidenti Donald Tramp Qo‘shma Shtatlar sobiq prezidenti Barak Obamaning tvitterdagi postini qo‘llab-quvvatladi, unda sobiq yetakchi noqonuniy muhojirlar masalasiga to‘xtalgan.
Obamaning tvitida aytilishicha, AQSh noqonuniy migratsiya muammosini «butunlay va abadiy» hal qilishi kerak.
«Men butunlay qo‘shilaman!» - degan so‘zlar bilan Tramp Obamaning postini qo‘llab-quvvatlagan.
AQSh Demokratik va Respublikachilar partiyasi noqonuniy migratsiya masalasini qanday hal qilish bo‘yicha o‘zaro kelishmovchilikda bo‘lib turibdi. Respublikachilarning aksariyati Meksika bilan chegarada devor qurilishini talab qilishmoqda, demokratlar esa bu qarorga qarshi chiqmoqda.
Eslatib o‘tamiz, avvalroq Tramp AQSh endi jahon politsiyachisi bo‘la olmasligi haqida ma'lum qilgandi.
