22:32 / 09.10.2019
14
76599
Ijtimoiy so‘rov: toshkentliklar oyiga qancha pul topsa, o‘zini moliyaviy mustaqil hisoblaydi?

O‘zingizni moliyaviy jihatdan mustaqilman, deb hisoblashingiz uchun oyiga qancha pul topishingiz kerak?

Kun.uz muxbiri Toshkentning beshta tumanida bo‘lib, ayni savol yuzasidan ijtimoiy so‘rov o‘tkazdi. Unda mehnatga layoqatli yoshdagi, turli kasb egalari bo‘lgan roppa-rosa 100 kishi qatnashdi. Ulardan 46 nafari – ayollar.

Ijtimoiy so‘rov natijalariga ko‘ra, Toshkentda yashayotgan har to‘rt fuqarodan biri oyiga 9-10 mln so‘m pul topgan taqdirda o‘zini moliyaviy mustaqilman deb hisoblaydi.

O‘zbekiston poytaxtining 20 foiz aholisi uchun esa moliyaviy mustaqil bo‘lish uchun 5-6 mln so‘m oylik daromad kifoya qiladi.

Umuman, 100 nafar respondentdan 63 nafari oylik daromadi 5-10 mln so‘m bo‘lganda o‘zini iqtisodiy jihatdan erkin his etishini bildirdi.

So‘rov natijalari quyidagicha:
24 kishi – 9-10 mln
21 kishi – 5-6 mln
18 kishi – 7-8 mln
9 kishi – 30-50 mln
8 kishi – 18-20 mln
6 kishi – 12-16 mln
6 kishi – 3-4 mln
6 kishi – 1-2 mln
2 kishi – 100 mln

Ijtimoiy tadqiqotdan ma'lum bo‘lishicha, o‘rta arifmetik hisobda toshkentliklar oyiga 13 mln 700 ming so‘m daromad olsa, o‘zlarini moliyaviy mustaqil deb hisoblaydilar.

Ma'lumot uchun, ijtimoiy so‘rov 6 oktabr kuni Toshkentning Yakkasaroy, Mirobod, Chilonzor, Sergeli va Yashnobod tumanlarida o‘tkazildi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top