«Tahliliy va tadqiqotçilik faoliyatini taşkil qiliş böyiça qöşimça çora-tadbirlar töğrisida»gi prezident qarori qabul qilindi.
Qarorga köra, Tahliliy va tadqiqot tuzilmalari faoliyatini taşkil qiliş böyiça muvofiqlaştiruvçi kengaş huzurida Tadqiqotlarni qöllab-quvvatlaş jamğarmasi taşkil etiladi.
Jamğarma mablağlari Tiklaniş va taraqqiyot jamğarmasida alohida oçilgan hisobraqamlarda jamlanadi va Muvofiqlaştiruvçi kengaş tomonidan belgilangan tartibda sarflanadi.
Jamğarma mablağlari quyidagilarga yönaltiriladi:
- muvofiqlaştiruvçi kengaşning faoliyat yönalişlari böyiça tadqiqotlarni amalga oşiriş;
- tahliliy materiallarni tayyorlaş va tadqiqotlarni ötkaziş uçun grantlar ajratiş;
- ijtimoiy sörovlar va jamoatçilik fikrini örganiş böyiça tadqiqotlarni amalga oşiriş.
Jamğarma mablağlari maqsadli va samarali sarflanişi ustidan nazorat Muvofiqlaştiruvçi kengaş tomonidan amalga oşiriladi.
Muvofiqlaştiruvçi kengaşga quyidagilarga ruxsat beriladi:
- Jamğarma mablağlarini milliy va xorijiy valutalarda bank depozitlariga joylaştiriş;
- grantlar va beğaraz texnik kömak vositalarini jalb qiliş;
- jismoniy va yuridik şaxslarga tölov asosida tadqiqotlar natijalari va ma’lumotlar bazalaridan foydalaniş hamda tadbirlarda iştirok etiş imkoniyatlarini beriş.
