22:50 / 11.01.2020
0
12652
Tehron AQShning yangi sanksiyalarini samarasiz deb hisoblamoqda

Eron tashqi ishlar vazirligi rasmiy vakili Abbos Musoviy AQShning Tehronga qarshi yangi sanksiyalarini samarasiz deb atadi. 

"Afsuski, AQSh yana bir tomonlama va noqonuniy harakat qilishda davom etmoqda", - dedi Musoviy va sanksiyalar muvaffaqiyat keltirmasligini qo‘shib qo‘ydi.

Uning so‘zlariga ko‘ra, Vashington Eron sanoatiga qarshi sanksiyalar kiritib, xalqaro me'yorlarni buzmoqda.

"Sanksiyalar kiritilishi BMT Xavfsizlik kengashining 2231-rezolyutsiyaning ochiqchasiga buzilishidir", - dedi Musoviy.

Avvalroq AQSh davlat kotibi Maykl Pompeo va moliya vaziri Stiven Mnuchin AQSh Eronga qarshi yangi sanksiyalar joriy etganini ma'lum qilgandi.

Sanksiyalar Eron AQShning Iroqdagi bazalariga amalga oshirgan raketa zarbalari sabab kiritilgan. AQShning bu galgi “qora ro‘yxati”ga Eronning 17 ta yirik korxonasi kiritilgan bo‘lib ular orasida temir, po‘lat, alyuminiy ishlab chiqaradigan va tekstil korxonalari bor. Shuningdek, Eron Xavfsizlik kengashining 8 vakili ham maxsus sanksiyaga uchragan.

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top