16:56 / 10.06.2020
10618
Xorazmda 19 yoshli yigit suvda cho‘kib vafot etdi

Xonqa tumanidagi “Shovot” kanalida 19 yoshli yigit cho‘kib ketgan.

Foto: FVV matbuot xizmati

Bugun, 10 iyun kuni Xorazm viloyati Favqulodda vaziyatlar boshqarmasiga Xonqa tumanidagi “Shovot” kanalida 19 yoshli yigit cho‘kib ketgani haqida xabar kelib tushgan.  

Favqulodda vaziyatlar vazirligi xabariga ko‘ra, ushbu holatga uning ehtiyotsizligi sabab bo‘lgani taxmin qilinmoqda. 

Xabar yuzasidan viloyat Favqulodda vaziyatlar boshqarmasi qutqaruvchilari voqea joyiga yetib borgan. Suvda qutqaruv guruhi tomonidan amalga oshirilgan qidiruv ishlari natijasida hodisa sodir bo‘lgan hududdan fuqaro A.S.ning jasadi topilgan.

Yuzaga kelgan vaziyatdan kelib chiqib, Favqulodda vaziyatlar vazirligi ota-onalar tomonidan o‘z bolalarini qarovsiz qoldirmasligini hamda shaxsiy xavfsizlik qoidalariga rioya etishlarini so‘rab qolgan.

Top