15:42 / 06.09.2021
677
Samarqand shahridagi ko‘p qavatli uylardan birida yong‘in sodir bo‘ldi

Samarqand shahridagi ko‘p qavatli uylardan birida joylashgan xonadonda yong‘in sodir bo‘lgan. Bu haqda Favqulodda vaziyatlar vazirligi axborot xizmati xabar bermoqda.

Ma'lum qilinishicha, bugun, 6 sentyabr kuni soat 13:36da viloyat Favqulodda vaziyatlar boshqarmasiga Samarqand shahar Sartepa mavzesidagi 1-sonli ko‘p qavatli uyning 70-xonadonida yong‘in sodir bo‘layotgani to‘g‘risida xabar kelib tushgan.

Shundan so‘ng viloyat FVBning 3 ta yong‘in-qutqaruv bo‘linmasi voqea joyiga soat 13:46da yetib borgan. Soat 14:25da yong‘in o‘rab olingan, soat 14:41da u to‘liq bartaraf etilgan. Qutqaruvchilarning tezkor harakatlari natijasida yong‘in qo‘shni xonadonlarga tarqalib ketishi oldi olingan.

Qayd etilishicha, yong‘in oqibatida xonadonning 35 metr kvadrat maydoni zararlangan. Ta'kidlanishicha, hodisada hech kim jabrlanmagan va halok bo‘lmagan. Hozirda yong‘in kelib chiqish sababi va yetkazilgan zarar miqdori aniqlanmoqda.

Mavzuga oid
Top