Yunusobodda ishlab chiqarish sexida yong‘in ro‘y berdi

Bugun, 14 iyul soat 07:39 da Toshkent shahar, Yunusobod tumani, Ahmad Donish ko‘chasida joylashgan ishlab chiqarish sexlarining birida yong‘in ro‘y bergani to‘g‘risida FVBga xabar kelib tushgan.

Shunga ko‘ra 6 ta yong‘in-qutqaruv ekipaji soat 07:44 da voqea joyiga yetib borib, yong‘in soat 08:14 da qurshab olindi va soat 08:51 da o‘chirildi.

Tan jarohati olganlar to‘g‘risida ma’lumot kelib tushmadi.

Voqea joyiga FVV rahbariyati, shahar va tuman FVB rahbar xodimlari yetib borgan.