Joriy yilning 6 oyida davlat organlari va tashkilotlari faoliyatida davlat xizmatlari ko‘rsatilishiga oid 72 717 ta qonunbuzilish holati aniqlangan.
Adliya vaziri o‘rinbosari Xudoyor Meliyevning so‘zlariga ko‘ra, 56 059 ta holatda arizani ko‘rib chiqish muddatlariga rioya qilinmagan, 7 012 ta holatda ortiqcha hujjat talab qilingan, 4 522 ta holatda to‘g‘ridan to‘g‘ri davlat xizmatlari ko‘rsatilgan, 1 245 ta holatda arizalar asossiz rad qilingan.
Eng ko‘p qonun buzilishi holatlariga quyidagi idoralar tomonidan yo‘l qo‘yilgan:
“O‘zsuvta’minot” AJda – 15 597 ta; “Hududgazta’minot” AJda – 15 464 ta; “Hududiy elektr tarmoqlari” AJda – 3 188 ta; “Toshissiqquvvati” DUKda – 1 595 ta, Uy-joy kommunal xizmat ko‘rsatish vazirligida – 941 ta, kadastr idoralarida – 7 149 ta; sog‘liqni saqlash muassasalarida – 4 797 ta; tuman (shahar) hokimliklarida – 4 220 ta va qurilish idoralarida – 2 652 ta.