Toshkent shahrining Olmazor tumani, Toshkent halqa avtomobil yo‘li “Zamona” to‘yxonasi qarshisida “Damas” va “Gazel” ishtirokida yo‘l-transport hodisasi sodir bo‘ldi.
Toshkent shahar IIBB YHXB axborot xizmati xabariga ko‘ra, 2022 yil 16 dekabr kuni soat 06:30 larda Olmazor tumani, Toshkent xalqa avtomobil yo‘li “Zamona” to‘yxonasi qarshisida haydovchilar: 1983 yilda tug‘ilgan U.U. boshqaruvidagi “Gazel” transport vositasi va 1995 yilda tug‘ilgan A.E. boshqaruvidagi “Damas” transport vositasi ishtirokida yo‘l-transport hodisasi kuzatilgan.
Yo‘l-transport hodisasi natijasida “Damas” transport vositasi haydovchisi A.E. tan jarohati olgan.
Holat yuzasidan Toshkent shahar IIBB YHXB tomonidan surishtiruv ishlari amalga oshirilmoqda.
