O‘g‘irlangan ma’lumotlar orasida 200 milliondan ortiq foydalanuvchining elektron pochta manzili bor.
Hakerlar millionlab Twitter foydalanuvchilarining ma’lumotlarini o‘g‘irladi, deb xabar berdi kiberxavfsizlik bo‘yicha Hudson Rock kompaniyasi rahbari Alon Gal.
O‘g‘irlangan ma’lumotlar orasida ijtimoiy tarmoqning 200 milliondan ortiq foydalanuvchisi elektron pochta manzili bor.
Kompaniya vakili elektron pochtalarning o‘g‘irlanishini shaxsiy ma’lumotlar oshkor etilishiga olib kelishi mumkin bo‘lgan juda «jiddiy voqea» deb atadi.
«Ma’lumotlar bazasi Twitter foydalanuvchilarining 235 million noyob yozuvlarini va ularning elektron pochta manzillarini o‘z ichiga oladi, bu esa, afsuski, ko‘p sonli hakerlik hujumlari, maqsadli fishing va doksingga olib kelishi mumkin. Bu tarixdagi eng jiddiy «o‘g‘riliklardan» biri», deyiladi kompaniya bayonotida.
Qayd qilinishicha, elektron pochta manzillari texnologik saytlardan birida oshkor etilgan va ular haqiqiy.
O‘tgan hafta «Ryushi» ismli haker 400 million Twitter foydalanuvchisining elektron pochtasi va telefon raqamlarini egallab olgani haqida xabar berilgan edi. Qayd etilishicha, haker kompaniyaga ma’lumotlarni qaytarish va o‘chirish uchun 200 ming dollar talab qilgan.
