U 2023 yil yanvar oyi boshida Toshkent shahar bosh imom-xatibligi bilan birga «Minor» masjidi imom-xatibligidan ham ketgandi.
Foto: Kun.uz
Sayyid Rahmatulloh Termiziy nomi bilan tanilgan Rahmatulloh domla Sayfuddinov 15 mart kuni Toshkent shahridagi «Minor» masjidi imom-xatibi etib tayinlangan. Bu haqda Kun.uz manbasi xabar bermoqda.
Rahmatulloh domla Sayfuddinov oldin ham «Minor» masjidiga imom-xatiblik qilgan. 2021 yilning oktyabr oyida Toshkent shahar bosh imom-xatibi lavozimiga tayinlangan domlaga «Minor» masjidi imom-xatibligi ham yuklatilgan edi.
2023 yilning yanvar oyi boshida Rahmatulloh domla Sayfuddinov o‘z arizasiga binoan Toshkent shahar bosh imom-xatibi vazifasidan ozod etilgandi. Uning o‘rniga «Abu Saxiy» jome masjidi imom-xatibi Abduqahhor domla Yunusov Toshkent shahar bosh imom-xatibi vazifasini bajaruvchisi etib tayinlangan.
