Ukrainadagi urush bo‘yicha vaziyatning yangi sharhida Buyuk Britaniya Mudofaa vazirligi Rossiya kuchlarining yo‘qotishlari sezilarli darajada kamayganiga ishora qilmoqda.
Aprel oyida bu ko‘rsatkichlar rossiyaliklarning yanvar-mart oylarida o‘ta og‘ir yo‘qotishlardan keyin taxminan 30 foizga kamayishi kutilmoqda, deb yozadi Britaniya agentligi Twitter’da Ukraina Qurolli kuchlari Bosh shtabi tomonidan e’lon qilingan ma’lumotlarga tayanib.
Mart oyida Rossiya kuchlari kuniga o‘rtacha 776 kishini yo‘qotdi, aprelda - 568 kishi, deyiladi ma’lumotda.
Shu bilan birga, Britaniya razvedkasi ukrainaliklar tomonidan ushbu ko‘rsatkichlarni hisoblashning aniq metodologiyasini tekshira olmasligini ta’kidladi, biroq uning ekspertlari fikricha, umumiy tendensiya to‘g‘ri hisoblangan bo‘lishi ehtimolga yaqin.
«Qishki hujum bo‘yicha urinishda o‘z maqsadlariga erisha olmagani uchun Rossiyaning qurbonlari kamaygan bo‘lishi mumkin va Rossiya kuchlari hozirda Ukrainaning kutilayotgan qarshi hujumiga tayyorgarlik ko‘rishga bor e’tiborini qaratgan», deya xulosa qilgan London.
