Diplomatik munosabatlar 2016 yilda buzilgan edi.
Eron Saudiya Arabistonidagi o‘z elchixonasi faoliyatini tikladi. Bu haqda Interfax xabar berdi.
Tehron Ar-Riyodda muvaqqat ishlar vakili darajasida faoliyat olib boradi, chunki Eron hali Saudiya Arabistoniga elchi tayinlamagan.
Avvalroq Tehron ham Saudiya Arabistonining Erondagi elchixonasi ishini 9 maygacha qayta boshlashini kutayotgani xabar qilingandi.
Eron va Saudiya Arabistoni o‘rtasidagi munosabatlar 2016 yilda sezilarli darajada yomonlashdi. Bunga Saudiya monarxiyasini tanqid qilgan nufuzli shia ilohiyotchisining Ar-Riyodda qatl etilishi sabab bo‘lgan.
Shundan so‘ng Tehronda namoyishchilar Saudiya Arabistoni elchixonasiga hujum qilishdi, bunga javoban Ar-Riyod Tehron bilan diplomatik aloqalarni uzgan edi.
2023 yil mart oyida Xitoy vositachiligida Eron va Saudiya Arabistoni diplomatik munosabatlarni tiklashga kelishib oldi.