2023 yilning yanvar-aprel oylarida O‘zbekiston tashqi savdo aylanmasi 19,6 mlrd AQSh dollarini tashkil etib, 2022 yilning mos davriga nisbatan 2,3 mlrd AQSh dollariga yoki 13,4 foizga oshgan.
Statistika agentligining dastlabki ma’lumotlariga ko‘ra, 4 oyda O‘zbekistonning tashqi savdo aylanmasi hajmida eksport 7,7 mlrd AQSh dollarini tashkil etgan.
Bundan tashqari, respublika tashqi savdo aylanmasi hajmida import ko‘rsatkichi 11,9 mlrd AQSh dollariga teng bo‘ldi.
O‘zbekiston 2023 yilning yanvar-aprel oylarida jahonning 176 ta mamlakati bilan savdo aloqalarini amalga oshirgan.
