Tumanning oldingi hokimi Zafar Ergashev iyul oyida investitsiya muhiti qoniqarsizligi uchun tanqid qilinib ishdan olingan 12 hokimdan biri bo‘lgandi.
Foto: Samarqand viloyati hokimligi
Isroil Ismoilovich Jabborov Samarqand viloyati Payariq tumani hokimi etib tayinlandi. Bu haqda viloyat hokimligi axborot xizmati xabar berdi.
Isroil Jabborov muqaddam Samarqand viloyati mahalla va nuroniylarni qo‘llab-quvvatlash boshqarmasi boshlig‘i bo‘lgan, 2023 yil fevral oyida Samarqand viloyati Kambag‘allikni qisqartirish va bandlik bosh boshqarmasi boshlig‘i lavozimiga tayinlangandi.
Payariq tumaniga 2021 yil avgustidan buyon rahbarlik qilib kelgan Zafar Ergashev 2023 yil 11 iyul kuni prezident raisligida investitsiya masalalari bo‘yicha o‘tkazilgan yig‘ilishda boshqa o‘ndan ortiq hokim bilan birga ishdan olingandi. O‘shanda Bosh prokuraturaga ishdan olingan hokimlarning faoliyatini tekshirishi bo‘yicha topshiriq berilgandi.
