Tashkent city’da Jahongir Ortiqxo‘jayev o‘rnini Sherzod Hidoyatov egalladi 

Sherzod Saidjanovich Hidoyatov Vazirlar Mahkamasi huzuridagi “Tashkent city” xalqaro ishbilarmonlik markazi hududida obektlarni qurish va ulardan foydalanish direksiyasi direktori etib tayinlandi. Bu haqda “Huquqiy axborot” telegram-kanalida xabar berilgan.

Eslatib o‘tamiz “Tashkent city” direksiyasi direktori lavozimida ilgari ishlab kelgan J.Ortiqxo‘jayev Toshkent shahar hokimi lavozimiga tayinlangan edi.

Ta’kidlab o‘tish lozimki, poytaxtning Alisher Navoiy, Olmazor, Islom Karimov va Furqat ko‘chalari oralig‘idagi 80 gektar hududda barpo etilayotgan mazkur zamonaviy kompleksda biznes markazlar, savdo majmualari, mehmonxonalar, ofislar, kongress-xol, ko‘rgazma zallari, ko‘p qavatli zamonaviy uylar, restoranlar, sun’iy ko‘l, favvoralar, ijtimoiy va boshqa obektlar quriladi.

Avvalroq, shu hududdagi «Ezidiyor» to‘yxonasi buzilishi xabar qilingandi.