«Manchester Siti» Husanov transferini e’lon qildi
Abduqodir APLdagi birinchi o‘zbek futbolchisi bo‘ldi.

Foto: Manchester City FC
«Manchester Siti» klubi o‘zining rasmiy sahifalarida Abduqodir Husanov transferini e’lon qildi.
APLning amaldagi chempioni o‘zbekistonlik himoyachi bilan 2029 yilgacha shartnoma tuzdi. Kelishuvni yana bir yilga uzaytirish imkoniyati ko‘zda tutilgan.
Avvalroq Manchester klubi 20 yoshli futbolchi uchun «Lans»ga 40 mln yevro to‘lashi xabar qilingandi. Bu qiymat bonuslar hisobiga 50 mln yevroga yetishi ham mumkin.
Shu tariqa, Husanov Angliya Premer-ligasida o‘ynaydigan birinchi o‘zbek futbolchisiga aylandi. Shuningdek, Abduqodir o‘zbek o‘yinchilari orasida eng qimmat transfer bo‘ldi. Avvalgi rekordchi 2021 yil «Jyenoa»dan «Roma»ga 18 mln yevroga o‘tgan Eldor Shomurodov edi.
Husanov faoliyatini O‘zbekistonning «Bunyodkor» klubi akademiyasida boshlagan, ammo murabbiylar uni asosiy jamoaga qabul qilmagan. 2022 yilda u Belarusning «Energetik-BGU» klubiga o‘tgan va u yerda asosiy tarkib futbolchisiga aylangan.
2023 yilda Husanov O‘zbekiston yoshlar jamoasi (U-20) bilan Osiyo kubogida g‘olib chiqqan. U dunyoning eng istiqbolli himoyachilari ro‘yxatiga kiritilgan. Keyinchalik u asosiy milliy jamoa a’zosiga aylandi.
O‘sha yili «Lans» Husanovni 100 ming yevro evaziga o‘z safiga qo‘shib oladi. Dastlabki mavsumida u Fransiya chempionatida 11 o‘yinda maydonga tushadi, shuningdek Chempionlar ligasida ikki o‘yinda, jumladan, «Arsenal»ga qarshi bahsda ishtirok etgan.
2024 yil yozida fransuzlar jamoasining asosiy markaziy himoyachisi Kevin Danso jarohat olgach, Husanovda imkoniyat paydo bo‘ladi va «Lans»ning asosiy tarkib futbolchisiga aylandi. Uning ishonchli o‘yinlari jamoaga Liga 1 dagi eng yaxshi himoyalardan biri bo‘lishga yordam berdi (16 o‘yinda klub 15 ta gol o‘tkazib yubordi, faqat PSJda kamroq — 14 ta).
U endilikda «Lans» tarixidagi eng qimmat transferga aylanib, APLga yo‘l oldi.
Welcome, Abdukodir 👋 pic.twitter.com/Y6X88GB79O
— Manchester City (@ManCity) January 20, 2025
Tavsiya etamiz
No Partey, no party. «Arsenal» nega yutqazdi?
Sport | 13:50 / 30.04.2025
Fuqarolarga yoshga doir pensiyani tayinlash tartibi yengillashtirilyapti
O‘zbekiston | 11:37 / 30.04.2025
Toshkentda avtobuslar konditsioneri qachon yoqiladi?
O‘zbekiston | 20:40 / 29.04.2025
«Xitoy-Qirg‘iziston-O‘zbekiston» temiryo‘l tunneli qurilishi boshlandi
Jahon | 17:12 / 29.04.2025
So‘nggi yangiliklar
-
Qozog‘istonda pasporti olib qo‘yilib, ishlashga majburlab kelingan o‘zbekistonlik vatanga qaytarildi
Jamiyat | 19:21
-
Zelenskiy Aleksey Arestovichga qarshi sanksiya qo‘lladi
Jahon | 19:00
-
APEX INSURANCE va APEX LIFE INSURANCE– FAIR energetika sug‘urtasi va xavflarni boshqarish bo‘yicha xalqaro Forumi tashkilotchilari
Jamiyat | 19:00
-
«To‘rt og‘ayni botirlar». Yevropa ligasi yarimfinallari oldidan
Sport | 18:52
Mavzuga oid

10:00
Husanov nega o‘ynamayapti?

11:37 / 28.04.2025
«Siti» finalga chiqdi, «Roma» va Shomurodov «Inter»ni to‘xtatdi. Kun o‘yinlari

07:53 / 23.04.2025
«Siti» so‘nggi daqiqada g‘alabani ilib ketdi, «Barsa» 40 ta zarbadan bitta gol urdi. Kun o‘yinlari

12:08 / 13.04.2025