Surxondaryoda Afg‘oniston fuqarolari uchun o‘quv kurslari tashkil etiladi 

Surxondaryoda Afg‘oniston fuqarolari uchun qisqa muddatli o‘quv kurslari tashkil etiladi. Bu haqda Surxondaryo viloyati hokimligi xabar berdi.

Termizdagi Afg‘oniston fuqarolarini o‘qitish ta’lim markazida gumanitar, pedagogika va muhandislik sohalari bo‘yicha qisqa muddatli o‘quv kurslarini tashkil etish rejalashtirilmoqda. 

Qayd etilishicha, unda 345 nafar afg‘onistonlik bepul tahsil olishi mumkin bo‘ladi. 

Xususan:

• hozirda markazda tahsil olayotgan afg‘onistonlik 145 nafar talaba, jumladan, 24 nafar xotin-qiz ta’lim jarayonini davom ettiradi;
• 100 nafar Afg‘oniston fuqarosi bir yillik texnik hamda kasbiy ta’lim va tayyorgarlik dasturi doirasida o‘qitiladi;
• 100 nafar Afg‘oniston fuqarosi qisqa muddatli kasbiy kurslarda ta’lim oladi.

Ma’lum qilinishicha, Yevropa ittifoqi mazkur tashabbus uchun 1 mln yevro ajratadi.