«Барса» афсоналари билан хайрлашди, АПЛда мавсум тугади. Кун ўйинлари

Англия: «Ливерпул»нинг ақл бовар қилмас ўйини

Арсенал — Вулверҳэмптон 5:0
Голлар: Жака (11, 14), Сака (27), Жезус (58), Кивиор (78). 
Арсенал – Рэмсдейл, Габриэл, Уайт, Кивиор (Тирни, 80), Жака (Виейра, 75), Жоржиньо, Эдегор (Смит-Роу, 75), Парти, Сака (Нелсон, 60), Троссард (Нкетиа, 80), Жезус.
Вулверҳэмптон – Са, Семеду, Коллинз, Килмен (Гомеш, 68), Буэно (Аит-Нури, ), Лемина, Нунеш, Гомес (Ҳож, 85), Траоре, Хименес, Ҳван (Траоре, 67).

«Арсенал» мавсумнинг сўнгги ўйинида том маънода бой берилган чемпионлик учун узр сўрашга ҳаракат қилди. «Канонирлар» шундай ўйин кўрсатишдики, бу ўйиндан кейин мухлислар, мавсум чемпионликсиз якунланган бўлса-да, жамоа ўйинидан баҳра олишди. Қолаверса, бу лондонликларнинг сўнгги йиллардаги энг ёрқин мавсуми бўлди.

Бу чемпионатда кўпчилик бир бош баланд сакради, жумладан, якшанба куни дубл қайд этиб, голлари сонини еттитага етказиб қўйган Чака ҳам. Швейцариялик яримҳимоячи бунгача 2018 йилдан буён олдинги тўрт мавсумда жами етти гол урганди. Яна бир ажойиб рақам — бирданига икки футболчи голли узатмалари сонини 10 тадан оширди. Сака билан барчаси тушунарли бўлса, Троссар бу нормани ярим мавсумда бажариб қўйди - белгиялик яримҳимоячи январ ойида «Брайтон»дан «Эмирейтс»га кўчиб ўтганди.

Манчестер Юнайтед — Фулҳэм 2:1
Голлар: Санчо (39), Фернандеш (55) — Тете (19). 
Аниқ амалга оширилмаган пенальти: Митрович (25). 
Манчестер Юнайтед – Де Хеа, Далот, Магуайр, Линделёф, Маласиа, Каземиро (Мактоминей, 67), Фред (Эриксен, 66), Бруну Фернандеш (Пельистри, 84), Санчо, Гарначо (Марсияль, 67), Рэшфорд (Вегорст, 77).
Фулҳэм – Лено, Тете, Адарабиойо, Диоп, Робинсон, Кэрни (Жеймс, 80), Уилсон (Соломон, 66), Лукич (Рид, 66), Пальинья, Виллиан, Митрович (Винисиус, 80).

«Челси»га қарши ёрқин ғалабадан кейин Чемпионлар лигаси йўлланмасини ҳал қилган «МЮ» бироз хотиржамликка берилди. «Қизил иблислар» «Фулҳэм»га қарши ўйинда биринчи бўлимдаёқ 0:2 ҳисобида ортда қолиши мумкин эди, аммо ҳеч қачон 11 метрлик зарбалар бўйича мутахассис ҳисобланмаган Де Хеа Митровичнинг зарбасини ажойиб сейв ижро этган ҳолда қайтарди. Испаниялик дарвозабоннинг дуэлдаги рақиб бўйича омади ҳам келди, чунки сербиялик ҳужумчи бу мавсумда саккиз пеналтидан фақат тўрттасини аниқ ижро этган.

Бу бурилиш нуқтаси вазифасини ўтади, қолганини Бруну Фернандешнинг ўзи уддалади. Португалиялик футболчи аввалига Санчо гол урган ҳужумни ташкиллаштириб берди, кейин эса ўзи ғалаба голини урди. Бу «МЮ»га учинчи ўринда қолиш имконини берди.

Челси — Ньюкасл 1:1
Голлар: Триппьер (27, автогол) — Гордон (9). 
Челси – Аррисабалага, Аспиликуэта, Силва, Чалоба (Фофана, 46), Ҳолл, Лофтус-Чик (Чуквуэмека, 60), Галлаҳер (Ковачич, 70), Фернандес, Ҳавертц (Фелиш, 59), Мадуэке (Пулишич, 88).
Ньюкасл – Триппьер, Таргетт (Берн, 75), Андерсон (Майли, 76), Сен-Максимен (Уилсон, 69), Гордон (Мерфи, 69), Исак (Льюис, 88).

Лекин жамоага дуранг ҳам етарли бўлиши мумкин эди, Фрэнк Лэмпарднинг «Челси» билан хайрлашув ўйинида кўклар мураббий учун ўйнаб беришди ва «Ньюкасл»га қарши ўйинда мағлубиятдан қутулиб қолишди. Тўп Триппьер орқали дарвоза кирганида уларнинг омади ҳам келди. Аммо нима бўлганда ҳам лондонликлар қўрқинчли тушдек кечган бу мавсумни имкон қадар тезроқ унутишни исташади. Тўпланган 44 очко — жамоанинг 1988 йилдан буён қайд этилган энг ёмон натижаси, ўшанда «Челси» қуйи дивизионга тушиб кетганди. Бу сафарги 14-ўрин эса — 29 йилликдаги энг паст натижа. Тодд Боэли тарихга кириши аниқ.

Саутҳэмптон — Ливерпул 4:4
Голлар: Уорд-Проуз (19), Сулемана (28, 48), А.Армстронг (64) — Жота (10, 73), Фирмино (14), Гакпо (72). 
Саутҳэмптон – Маккарти, Бри, Беднарек, Войнович, Уокер-Питерс, Эльюнусси (Армстронг, 64), Уорд-Проуз, Алькарас, Лавиа (Армстронг, 63), Сулемана (Бэллард, 86), Уолкотт (Ливраменто, 77).
Ливерпуль – Келлеҳер, Александер-Арнолд, Матип, Гомес, Милнер, Жонс (Гакпо, 57), Салоҳ, Жота.

«Ливерпул» икки тўп устунлигига қанчалик осон эришган бўлса, шунчалик осонлик билан АПЛни аллақачон тарк этган «Саутҳемптон»га бу фарқни йўққа чиқариш имконини берди. Роберто Фирмино ўзининг хайрлашув ўйинида ҳам гол урди, аммо кейинроқ унинг тўп йўқотишидан фойдаланган рақиб ҳисобни тенглаштирди. Лекин бу ҳали бошланиши эди. Эшикни қаттиқ ёпиб кетишга қарор қилган «авлиёлар» ёрқин ва қувноқ ўйин намойиш этишди. Бу жамоа аллақачон турнирда қолиш имкониятини йўқотганига ишониш қийин эди. Аммо мезбонларнинг захираси бутун мавсумга етмаганди ва Юрген Клопп буни алоҳида ўйинда ҳам кўрсатиб қўйди. Икки дақиқа ичидаги икки гол ўйинни куннинг воқеаларга энг бой ўйинига айлантирди, Александр-Арнолд эса 54-голли узатмаси билан АПЛ тарихидаги энг яхши ассистент ҳимоячилар рўйхатида иккинчи ўринга чиқди, ундан олдинда эса жамоадоши Робертсон (57) жойлашган.

Лидс — Тоттенҳэм 1:4
Голлар: Ҳаррисон (67) — Кейн (2, 69), Порро (47), Моура (90+5). 
Лидс – Роблес, Эйлинг, Купер, Вебер (Фирпо, 60), Кристенсен, Стрейк (Ааронсон, 59), Маккенни (Рюттер, 60), Кох, Ҳаррисон (Ньонто, 88), Форшоу, Родриго.
Тоттенҳэм – Форстер, Порро (Моура, 90), Эмерсон, Лангле, Санчес, Дэвис, Биссума (Крэйг, 77), Скипп (Эбботт, 90), Кулусевски (Сарр, 67), Кейн, (Ришарлисон, 76).

«Тоттенҳэм» барибир еврокубокларсиз қолди ва Конференциялар лигасига йўлланма олган «Астон Вилла»ни қувиб ета олмади. Аммо «шпорлар» «Лидс» мухлисларининг кайфиятини охиригача бузишди ва Сэм Эллардайсни чемпионшипга жўнатди. Бунинг учун энг кўп ишни Кейн амалга оширди. Форвард ўзи ҳисобни очди, Педро Порронинг голига ассистентлик қилди, кейин эса мавсумдаги голлари сонини 30 тага етказиб қўйди. Вазиятнинг уникаллиги шундаки Ҳарри — турнир тарихида икки бор камида 30 тадан гол уриб ҳам мавсунинг энг яхши тўпурарига айлана олмаган ягона футболчидир. «Тоттенҳэм» форварди беш йил муқаддам Салоҳдан (32) ортда қолганди, энди эса — Ҳоланддан (36).

Испания: 49 сониядаги гол

Атлетико — Реал Соседад 2:1
Голлар: Гризманн (37), Молина (73) — Сёрлот (88). 
Атлетико – Грбич, Молина, Хименес, Эрмосо, Витцел, Регилон (Корреа, 70), Сауль, Карраско, Коке, Де Паул (Барриос, 81), Гризманн.
Реал Соседад – Ремиро, Элустондо (Горосабель, 59), Ле Норман, Субелдия, Мунйос, Кубо (Фернандес, 71), Илярраменди (Чо, 71), Мерино (Мендес, 59), Субименди, Сёрлот, Ойарсабал (Барренечеа, 59).

Ла лигада мавсум якунига бир тур қолганида Чемпионлар лигаси йўлланмалари масаласи узил-кесил ҳал бўлди. Сўнгги йўлланмани «Реал Соседад» ўзиники қилди, лекин ушбу жамоанинг етти учрашувдан иборат мағлубият серияси «Атлетико» майдонида тўхтатилди. Баскларга «Райо Вальекано» жамоаси ёрдам бериб юборди, Мадрид атрофидаги бу жамоа «Вилярреал»нинг орзуларига барҳам берди (2:1) — «сариқ субмариналар» энди Европа Лигаси билан овунишига тўғри келади. Ва, айтиш керакки, Унаи Эмери мавсум ўртасида қолдириб кетган жамоа учун бу яхши натижа. Бундай йўқотиш Кике Сетьеннинг сифатли иши билан ёпилди.

Барселона — Мальорка 3:0
Голлар: Фати (1, 24), Гави (70). 
Барселона – тер Стеген, Бальде (Роберто, 17), Кристенсен, Кунде, Альба (Алонсо, 81), Бускетс (Гарсия, 85), де Йонг, Гави, Дембеле (Торрес, 84), Фати (Рафинья, 79), Левандовски.
Мальорка – Грейф, Маффео, Вальент, Копете, Гайя (Гренье, 46), Коста (К.Родригес, 87), Д.Родригес (Анхель Родригес, 72), Морланес (Гонсалес, 86), Баба, Мурики (Пратс, 79), Ндиайе.
Четлатиш: Ндиайе (14).

«Барселона» чемпионликдан кейин қаторасига икки ўйинда мағлуб бўлди, аммо «Камп Ноу»даги мавсумнинг сўнгги ўйинига кўк-анорранглилар идеал даражада тайёрланди. Шунчаликки, Фати 49-сониядаёқ ҳисобни очди. Лекин бу ҳам клубнинг жорий асрдаги рекорди бўла олмади — рекорд ўн тўрт йил муқадда Иньеста томонидан ўрнатилганди, у бундан олти сония эртароқ гол уришга улгурганди.

Фатининг ўйиндаги икки голидан биринчиси чиройли комбинация натижаси бўлди - Гавининг ичкаридан етказиб берган узатмасини Левандовски бир тегинишда бўш қолдирилган Ансуга узатди ва ҳужумчи тўпни шунчаки дарвоза тўрига йўналтириши қолганди. Умуман олганда, Хави жамоаси мухлислар билан ёрқин шоу уюштирган ҳолда хайрлашди. Ўйин якунланганидан кейин эса жамоа афсоналари — Бускетс ва Жорди Алба билан таъсирли хайрлашув маросими ҳам уюштирилди.

Лекин майдонда барчаси силлиқ кечмади. Мезбонлар ўйин икки томоннинг тўлиқ таркибда ўйнашига қарши эмасди, аммо 13-дақиқада Ндиайе Балдега қарши ўта қўпол ҳаракат қилиб, майдондан четлатилди. Каталонияликларнинг мавсум кашфиётига айланган ҳимоячиси эса майдонни жамоадошларига суянган ҳолда тарк этишига тўғри келди. У анча муддатга сафдан чиққандек кўринганди, аммо сўнгги хабарларга кўра, ҳимоячи 6-7 ҳафта ичида тикланади.

Италия: қарилик билмас Жиру

Болонья — Наполи 2:2
Голлар: Фергюсон (63), де Сильвестри (84) — Осимҳен (14, 54). 
Болонья – Скорупски, Пош (Де Сильвестри, 74), Бонифаци (Медель, 74), Лукуми, Камбьязо, Схаутен, Эбишер (Сансоне, 60), Домингес, Фергюсон, Барроу (Моро, 61), Арнаутович (Зиркзее, 60).
Наполи – Голлини, Берешиньски, Рраҳмани, Ким (Жезус, 78), Оливера, Лоботка, Зелиньски (Гаэтано, 87), Замбо-Ангисса, Кварацхелия (Распадори, 66), Дзербин (Зедадка, 79), Осимҳен (Симеоне, 66).
Огоҳлантиришлар: Ким (39), Рраҳмани (66), Домингес (67), Берешиньски (80).

А сериянинг энг яхши тўпурари ўз фаолиятидаги энг оддий голлардан бирини урди. Барчаси «Болоня» дарвозабони Скорупски оддий ҳолатда тўпни жарима майдонига кириб келган «Наполи» ҳужумчисига ташлаб бериши туфайли бўлди, бу вазиятда ҳужумчида тўпни бўш дарвозага киритиб қўйишдан бошқа вариант йўқ эди. Аммо Осимхен шу куни дубл қайд этган бўлса-да, у бу чемпионлик мавсумида олдинги икки мавсумдагидан (24 гол) кўпроқ гол урмоқда (25), жанубликлар ғалабани сақлаб қола олишмади. Скудетто қўлга киритилганида бери Лучано Спаллетти фақат ўз майдонида ғалаба қилмоқда, сафар ўйинларида эса зафар қучгани йўқ, бу серия Удинедаги олтин ўйиндан бошланганди. «Болоня» чемпионга қарши ўйинда икки тў фарқини йўққа чиқарди.

Ювентус — Милан 0:1
Гол: Жиру (40). 
Ювентус – Шченсни, Данило, Бремер (Бонуччи, 82), Гатти, Куадрадо, Костич (Паредес, 63), Ди Мария (Милик, 63), Рабьо, Локателли, Кьеза, Кен (Айлинг, 73).
Милан – Меньян, Калабрия (Калулу, 86), Томори, Тиав, Эрнандес, Крунич, Диас (Побега, 82), Тонали, Леау (Балло-Туре, 82), Мессиас (Салемакерс, 56), Жиру (Ориги, 86).
Огоҳлантиришлар: Мессиас (34), Куадрадо (56), Крунич (64).

«Ювентус»дан ўн очко олиб ташлангани Туриндаги баҳснинг аҳамиятини йўқотди. Бу ҳақда эълон қилинган куни шок ҳолатига тушган бьянконерилар «Эмполи» майдонида 1:4 ҳисобида ютқазишганди. «Милан»га қарши ўйинда ҳам очко олишнинг имкони бўлмади, ҳолбуки «Кекса синьора» бу жамоага қарши сўнгги беш ўйинда ютқазмаганди. Якшанба кунги муваффақият Стефано Пиоли жамоасига кейинги мавсумда ҳам Чемпионлар лигасида иштирок этиш учун йўлланмани кафолатлади.

Жиру эса Италияда навбатдаги ёшлигини ўтказмоқда. У 36 ёшида бу чемпионатда 12 гол урди ва бу унинг «Арсенал»да олти йил муқаддам кўрсатган сермаҳсуллигидан буён энг яхши натижаси.

Кун статистикаси

• «Лацио»нинг уч нафар яримҳимоячиси — Милинкович-Савич, Дзакканьи ва Фелипе Андерсон камида саккизтадан гол урди. Бу топ-5 лигалардаги энг яхши кўрсаткич, аммо шуни ҳисобга олиш керакки, Андерсон Иммобиленинг жароҳатидан кейин «бургутлар»нинг марказий ҳужумчиси вазифасини бажариб турганди.
• «Лидс» Англия юқори дивизионини 7-бор тарк этди. Бир мавсумдаги 31 очко — жамоанинг 1947 йилдан буён энг ёмон натижаси.
• «Лестер» 12-бор лигани  тарк этди — бу Англия футболи тарихида «Бирмингҳем» билан бирга энг паст кўрсаткич.
• «Верона» бу мавсумда ҳисобда олдинга чиқиб олган ўйинларида 26 очко йўқотди. Бу А серия жамоалари учун энг ёмон кўрсаткич.
• Англия чемпионатининг бу мавсумидаги 1073-голни «Эвертон» яримҳимоячиси Дукуре урди. Бу орқали АПЛда сермаҳсуллик бўйича тўрт йил олдинги рекорд янгиланди.