Artel компанияси Минск шаҳридаги Made in Uzbekistan кўргазмасида қатнашмоқда

Ўзбекистон Республикаси Президенти Шавкат Мирзиёевнинг Беларусга расмий ташрифи доирасида 29 июлдан 2 августгача Минск шаҳрида Made in Uzbekistan кўргазмаси ўтказилмоқда. Ушбу кўргазманинг асосий иштирокчиларидан бири – Artel компаниясидир.

Made in Uzbekistan кўргазмаси Ўзбекистон Республикасида енгил ва оғир саноат, фармацевтика, электротехника саноати, озиқ-овқат саноати, автомобиль ишлаб чиқариш каби соҳаларда эришилган инновацион ютуқларни ва инвестиция лойиҳаларини Беларусь давлатига намойиш этиш, давлатлар орасидаги дўстона муносабатларни янада яхшилаш ва янги ҳамкорлик муносабатларини ўрнатиш учун уюштирилган. Кўргазмада Uzbekneftegaz, Uzsanoatexport, UzAuto, Uzmetkombinat, Uzeltexsanoat каби йирик корхоналар иштирок этмоқда.

Artel компанияси ушбу кўргазмада телевизорлар, кондиционерлар, совутгичлар, кир ювиш машиналари, ошхона плиталари, мини-печлар, микротўлқинли печлар каби маҳсулотларни, ҳамда уларнинг эҳтиёт қисмларини намойиш этган.

Artel маҳсулотлари бугунги кунда Марказий Осиё давлатлари бозорларида катта талабга эга бўлганлиги сабабли, кўргазмага ташриф буюрган меҳмонлар Artel стендини катта қизиқиш билан ўрганишмоқда.

Алоҳида таъкидлаш жоизки, Artel компанияси бугунги кунда нафақат МДҲ давлатлари, балки Европа давлатлари бозорларига ҳам ўз маҳсулотларини экспорт қилиш устида фаол иш олиб бормоқда.

Artel компаниясининг мақсади истеъмолчиларга юқори сифатли, кундалик ҳаётга қўшимча шинамлик бахш этувчи баракали  маиший техника етказиб беришдир.

Реклама ҳуқуқи асосида