Зеленский Украинани тиклаш учун 600 млрд доллар керак бўлишини айтди

Владимир Зеленскийнинг сўзларига кўра, Украина жуда тез тикланади, хориж компанияларига мамлакатда фаолият юритиш учун энг қулай шароитлар тақдим этилади.

Фото: Reuters

Украина президенти Владимир Зеленский Россиянинг “махсус операцияси”дан сўнг мамлакатни тиклаш учун 600 млрд доллар кетишини айтди.

Зеленскийнинг сўзларига кўра, Украина жуда тез тикланади.

“Ғалабадан кейин барчасини жуда тез амалга оширамиз ва Украина аввалгидан ҳам чиройли бўлади”, — деди Зеленский.

Унинг қўшимча қилишича, хориж компанияларига мамлакатда фаолият юритиш учун энг қулай шароитлар тақдим этилади.

Жаҳон банки президенти Дэвид Малпасс Украинадаги бинолар ва инфратузилмага етказилган зарарни 60 млрд долларга баҳолаган. Унинг сўзларига кўра, зарар миқдори “махсус операция” давом этиши баробарида ошиб боради.

Тайёрлаган: Дилшод Аскаров

#Украина #Володимир Зеленский