2024 йилнинг январ-март ойларида қарийб 1,3 млн нафар ўзбекистонликлар туристик мақсадларда хорижга сафар қилган.
Статистика агентлиги маълумотларига кўра, бу кўрсаткич ўтган йилнинг мос даври билан солиштирилганда 365,6 минг нафарга ёки 40,7 фоизга ошган.
Ўзбекистонликлар туристик мақсадларда энг кўп сафар қилган давлатлар рейтингида Қирғизистон биринчи ўринни эгаллаб турибди — 559,1 минг нафар.
Ушбу кўрсаткич қолган давлатлар кесимида қуйидагича кўринишга эга:
- Тожикистон — 260,8 минг нафар;
- Қозоғистон — 184,1 минг нафар;
- Саудия Арабистони — 70,6 минг нафар;
- Россия — 50,3 минг нафар;
- БАА — 38,5 минг нафар;
- Туркия — 34,4 минг нафар;
- Кувайт — 13,8 минг нафар;
- Миср — 8,2 минг нафар;
- Таиланд — 6,2 минг нафар;
- бошқалар — 37,1 минг нафар.
