Номусга тегиш ҳолати бўйича экспертиза имкон қадар тезроқ ўтказилиши керак – эксперт

Республика суд экспертиза марказининг Одам ДНК суд-биологик экспертизаси лабораторияси мудири Дилобар Аҳмедованинг Kun.uz'га берган интервьюсида маълум қилишича, чунки бундай экспертизалар тергов ёки суд органлари томонидан тайинланади.

{Yii::t(}

Ўтказиб юбориш 6s

Ўтказиб юбориш

“Бундай турдаги экспертизалар тергов органининг қарори ёки суднинг ажримига асосан ўтказилади. Номусга тегиш жинояти жинсий эркинликка қарши содир этилган жиноятлар сирасига киради. Афсуски, ҳаётимизда бундай ҳолатлар учраб туради. Фуқаро жинсий тажовузга учраган бўлса, у зудлик билан ички ишлар органларига мурожаат қилиши ва мазкур ҳодисага тааллуқли бўлган ашёвий далилларни тақдим қилиши керак. Шундан кейин жабрдийда тиббий кўрикдан ўтказилади. Экспертизага тиббий кўрик давомида олинган суртмалар тақдим этилади.

Номусга тегиш ҳолати бўйича дастлабки суд-биологик экспертизалар Республика суд экспертиза марказида эмас, балки Республика суд тиббий экспертиза амалий маркази ҳамда унинг минтақавий бюроларида ўтказилади. Илмий адабиётларда ювинмаган ҳолатдаги аёл танасида эркак уруғи 72 соатгача сақланиши қайд этилади. Кейин организмга сингиб кетади. Шунга кўра жинсий тажовуз рўй берганда имкон қадар қисқа муддатларда мурожаат қилган мақсадга мувофиқ”, дейди у.

Мутахассиснинг таъкидлашича, экспертиза хулосасига кўра ҳақиқатан ҳам жинсий зўрлик аломатлари аниқланса, бундан ташқари, ашёвий далилларда, бегона аёл танасида эркак уруғи топилган тақдирдагина жиноятни содир этган шахснинг кимлигига ойдинлик киритиш учун ДНК экспертизаси тайинланади.

“ДНК экспертизаси орқали жинсий зўравонлик жинояти бир ёки бир неча шахс томонидан содир этилгани аниқланади. Экспертиза хулосасига кўра ушбу жиноят гумондаги шахслар ёки бошқалар томонидан содир этилганига ойдинлик киритилади.

Бундай экспертизалар фақатгина тергов ёки суд органлари ҳужжатлари билан тайинланади, хусусий мурожаатлар бўйича бундай экспертиза ўтказилмайди”, дейди марказнинг Дилобар Аҳмедова.

Аввалроқ Ўзбекистонда шажарани аниқлаш имконини берувчи янги экспертиза тури жорий этилиши, оталикни аниқлаш бўйича ДНК экспертизасини ўтказиш нархи маълум қилинган эди.