Дунёдаги энг қадимий байроқнинг 800 йиллиги нишонланмоқда

Бугун дунёдаги энг қадимий байроқ – Дания байроғининг 800 йиллиги нишонланмоқда.  

Афсоналарда айтилишича, ушбу байроқ 1219 йил 15 июнда жанг майдонига тушган. Жанг Таллин яқинидаги Люнданиссе қишлоғида бўлиб ўтган.

Ушбу байроқ ҳақидаги қайдлар 1520 йилда – жангдан бир неча аср кейин даниялик икки солномачи томонидан битилган. 

Солномачилардан бири Питер Ольсеннинг ёзишича, данияликлар эстлар ерида ғалаба қозонишган вақтда осмондан ушбу байроқ тушган ва янги миллий байроқ вужудга келган.

Тарихий қайдларда ёзилишича, самодан тушган байроқ 1713 йилгача Шлезвигдаги соборда сақланган ва собор қайта қурилаётган пайтда йўқолиб қолган. Айтишларича, у чириб йўқ бўлиб кетган.