Киев атрофида техникалар қабристони, даҳшат ичида қолган жониворлар. Уруш суратлари

Украинадаги урушнинг 38 куни ўтди. Киев областидаги шаҳарлар кўчаларида россиялик ҳарбийлар кетишидан кейин тинч аҳоли вакилларининг ўнлаб жасадлари қолган — уларнинг айримларининг қўли боғлиқ ҳолатда. Human Rights Watch ҳуқуқ ташкилоти ходимлари маълумотига кўра, Буча шаҳрида камида битта судсиз қатл ҳолати қайд этилган. Мариупол электр, сув ва газсиз қолмоқда. Ирпен аҳолиси ўрмонга дафн этилмоқда. Россия билан музокараларда Украина делегациясига раҳбарлик қилувчи Давид Арахамиянинг маълум қилишича, Россия Киевнинг тинч йўл билан тартибга солиш лойиҳасини оғзаки қабул қилди – Қрим бўйича таклиф бундан мустасно. 

Украинадаги вазият бўйича сўнгги маълумотлар. 3 апрель, урушнинг 39-куни

• Киев яқинидаги Буча шаҳридан россиялик ҳарбийлар кетгач, тинч аҳоли вакилларининг кўплаб жасадлари топилмоқда. Ғарб агентликлари журналистлари биргина кўчанинг ўзида фуқаролик кийимидаги 20 нафарга яқин эркакнинг жасадларини аниқлашган. Буча мэри Анатолий Федорук Франс пресс агентлиги мухбири билан суҳбатда «280 киши биродарлик қабристонларига кўмилгани» ҳақида хабар берди.
• Human Rights Watch Бучада ҳарбий жиноят содир этилгани бўйича далиллар борлигини маълум қилган. Россия мудофаа вазирлиги ушбу шаҳардаги вазият бўйича изоҳ бермаган.
• Украина мудофаа вазирлиги Киев области ҳудудида россиялик ҳарбийлар қолмагани ҳақида маълум қилди.
• Тонгда Одессада давомли портлашлар кузатилди, маҳаллий расмийлар шаҳарнинг бир неча районларида ёнғинлар юзага келганини хабар қилган. Россия мудофаа вазирлиги шаҳардаги нефт сақланувчи базаларга ракета зарбалари берилганини тасдиқлаган.
• Британия мудофаа вазирлиги Украина жануби-шарқида Россия авиацияси фаоллашгани ҳақида хабар берган, Украина бош штаби эса якшанбага ўтар кечаси Россия ракета зарбалари йўлланиши камайганини маълум қилган.
• Мариуполда литвалик кинодокументалист Мантас Кведаравичюс ҳалок бўлган.
• Украина президенти Владимир Зеленский босиб олинган шаҳарларда норозилик акциялари ўтказаётган украинларга миннатдорчилик билдирди.
• Киев области расмийлари уйга қайтишга шошилмасликка чақирмоқда – миналарни зарарлантириш ишлари олиб борилмоқда.

Қуйида сўнгги кунларда Украинада олинган энг таъсирли суратлар.