Қўшимча функционаллар
-
Тунги кўриниш
Туркия транспорт вазири тезликни меъёрдан оширгани учун жарима тўлади
Вазир 140 км/соатгача рухсат берилган жойда автомобил тезлигини 225 км/соатгача олиб чиққан ва бунинг видеосини ижтимоий тармоққа жойлаган. Танқидлардан кейин, у ўз ихтиёри билан жарима тўлаганини маълум қилди.
Фото: Ege Politik
Туркия транспорт вазири Абдулқодир Ўролўғли транспорт воситасини бошқараётганида тезликни меъёрдан оширди. Ҳолат ижтимоий тармоқларда муҳокамаларга сабаб бўлгач, ўз ихтиёри билан полицияга мурожаат қилиб, жарима тўлаганини айтди.
Дастлаб Ўролўғли Х ижтимоий тармоғида Анқара-Ниғде трассаси бўйлаб сафарининг видеосини эълон қилди, унда автомобил тезлиги 225 км/соатга етгани кўринади. Қонун бўйича трассада белгиланган тезлик чеклови 140 км/соатни ташкил қилади.
Видеолавҳа ОАВ ва ижтимоий тармоқларда тезда тарқалиб, йўл ҳаракати хавфсизлиги учун масъул бўлган амалдорнинг бундай хатти-ҳаракати кўплаб танқидларга сабаб бўлди.
Эртаси куни вазир жарима тўлагани ҳақидаги баённома суратини улашди.
Ўролўғли сўзларига кўра, у шахсан полицияга мурожаат қилиб, қоидабузарликни тан олган. Охир-оқибат 9267 лира (230 доллар) миқдорида жаримага тортилган.
Ўролўғли қонун барча учун, жумладан, вазирлар учун ҳам бир хил эканини таъкидлади.
Мавзуга оид
13:45 / 24.12.2025
Туркия капитали иштирокидаги корхоналарнинг асосий қисми Тошкент ҳиссасига тўғри келди
08:45 / 24.12.2025
Туркияда Ливия армияси бош штаби бошлиғи авиаҳалокат қурбонига айланди
13:00 / 23.12.2025
Ўзбекистон ва Туркия мева-сабзавот савдосидаги чекловларни юмшатишни муҳокама қилди
22:47 / 21.12.2025