Президент сайловида муддатидан олдин овоз бериш бошланди

Бугун, 14 октябр кунидан Ўзбекистон президенти сайловида муддатидан олдин овоз бериш бошланди.

Фото: Kun.uz

Ўзбекистон президенти сайловида муддатидан олдин овоз бериш 2021 йил 14-20 октябрь кунлари ўтказилади.

Сайлов куни ўз яшаш жойида бўлиш имкониятига эга бўлмаган сайловчи муддатидан олдин овоз бериш ҳуқуқига эга.

Муддатидан олдин овоз бериш учун сайловчи сабабини кўрсатган ҳолда тегишли сайлов участкасига ариза билан мурожаат қилади.

Тўлдирилган сайлов бюллетени ёпиқ конвертда, тегишли участка сайлов комиссиясининг сейфида сақланади.

2021 йил 24 октябр куни Ўзбекистон президенти сайлови бўлиб ўтади. Сайловда республикадаги 5та партиядан президентликка номзодлар иштирок этиши тасдиқланди.

Ўзбекистон президенти сайлови бўйича президентликка номзодларнинг сайловолди ташвиқоти 2021 йил 20 сентябрдан бошланган.

Тайёрлаган: Отабек Матназаров

#сайлов #овоз бериш

Сайлов қонунчилигига киритилган ўзгартишларга кўра сайловлар октябр ойи учинчи ўн кунлигининг биринчи якшанбасида ўтказилиши белгиланди. 2021 йилги президентлик сайлови 24 октябрга тўғри келмоқда.