БМТ қароргоҳида Фаластин бўйича халқаро конференция бўлиб ўтади

Конференция дастлаб 17-20 июн кунлари бўлиб ўтиши керак эди, бироқ Исроилнинг 13 июн куни Эронга ҳужуми ортидан қолдирилган эди.

Фото: AP / EDUARDO MUNOZ

Фаластин муаммосини тинч йўл билан ҳал қилиш ва икки давлат ечимини яратиш йўллари муҳокама этиладиган Фаластин бўйича халқаро конференция БМТнинг Ню-Йоркдаги қароргоҳида 28-30 июл кунлари бўлиб ўтади.

Конференцияга ҳамраислик қиладиган Франция ва Саудия Арабистонининг БМТдаги доимий ваколатхоналари БМТга аъзо давлатларга таклифнома жўнатди.

«Фаластин масаласини тинч йўл билан ҳал қилиш ва икки давлат барпо этиш бўйича юқори даражадаги халқаро Фаластин конференцияси 28-30 июл кунлари бўлиб ўтади», — дейилади мактубда.

Бирлашган Миллатлар Ташкилоти Бош ассамблеяси резолюцияси билан ташкил этилган Фаластин бўйича халқаро конференция дастлаб 17—20 июн кунлари бўлиб ўтиши керак эди. Бироқ Исроилнинг 13 июн куни Эронга ҳужуми ортидан у қолдирилди.

Тайёрлаган: Отабек Матназаров

#БМТ #Фаластин

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.