Қўшимча функционаллар
-
Тунги кўриниш
Хитой коронавирус сабабли кескин чоралар кўраётган давлатларга норозилик билдирди
ХХР ташқи ишлар вазирлиги вакилининг сўзларига кўра, бу давлатларнинг ҳаракатлари касаллик тарқалишининг олдини олишда ёрдам бермайди, балки жамиятда сунъий равишда ваҳима келтириб чиқаради.
Хуа Чуньин / Фото: AP Photo / Ng Han Guan, File
Хитой коронавирус тарқалиши сабабли Хитойга нисбатан ўта кескин чеклов чоралари жорий этган мамлакатларга норозилик билдирди. Бу ҳақда ХХР ташқи ишлар вазирлиги расмий вакили Хуа Чуньин маълум қилди.
У Жаҳон соғлиқни сақлаш ташкилоти (ЖСТ) Хитой ҳукуматининг касаллик тарқалишига қарши кўраётган чораларини юқори баҳолаганини ва Хитой билан алоқаларни чеклашни тавсия этмаганини таъкидлади. Қатор давлатлар кескин чоралар кўрганидан сўнг Халқаро фуқаро авиацияси ташкилоти (ХФАТ) ҳам мамлакатларни ЖСТ тавсияларига риоя қилишга чақирди.
"Биз ЖСТ ва ХФАТнинг профессионал тавсияларини инкор этган тегишли давлатларга норозилик билдирамиз", - деди Хуа Чуньин.
Унинг сўзларига кўра, бу давлатларнинг ҳаракатлари касаллик тарқалишининг олдини олишда ёрдам бермайди, балки жамиятда сунъий равишда ваҳима келтириб чиқаради.
Аввалроқ Хитой АҚШни коронавирус тўғрисида атайлабдан ваҳима тарқатишда айблаганди.
Сўнгги маълумотларга кўра, Хитойда коронавирусга чалинганлар сони 28 мингдан ошган, 563 киши вафот этган.
Коронавирус
Мавзуга оид
09:13 / 25.12.2025
Зеленский: Россия Хитой сунъий йўлдошлари маълумотидан фойдаланган бўлиши мумкин
15:21 / 22.12.2025
Хитой ноябрда Россиядан рекорд миқдорда олтин сотиб олди
18:22 / 20.12.2025
Хитойдан олиб келинган қишлоқ хўжалиги маҳсулотлари чегарада ушлаб қолинаётганига изоҳ берилди
07:52 / 20.12.2025