Озод этилган Купянскдан илк кадрлар ва Донбассда янги жанглар. Уруш суратлари

Урушнинг навбатдаги кунидаги асосий воқеа Украина қуролли кучлари томонидан Купянскнинг шарқий қисми ҳам озод этилгани бўлди. Бу амалиёт муваффақияти мустаҳкамланиши украин армиясига юришни Луҳанск области чегарасига қадар давом эттириш имконини беради. Харкив областида олдинроқ озод этилган ҳудудларда Россия истилоси оқибатларини тергов қилиш жараёни давом этмоқда. Фронтнинг бошқа участкаларида эса томонлар ҳарбий ҳаракатларни давом эттирмоқда.

Қуйида 17 сентябр, урушнинг 206-кунида Украинанинг турли ҳудудларида олинган суратлар.

Украиналик ҳарбийлар 47 ёшли Олександр Шаповалнинг дафн маросимида — Украина халқ артисти, Миллий опера балети солисти бўлган Шаповал кўнгилли сифатида фронтга кетганди ва Донбасснинг Майорский районидаги жангларда ҳалок бўлди.
Valentyn Ogirenko / Reuters / Scanpix / LETA

Куннинг асосий суратлари. Украина ҳарбийлари томонидан озод этилган Купянскдан илк суратлар

Сўнгги ҳафталарда Харкив области марказидан 100 километрдан ортиқ масофада жойлашган Купянск шаҳри учун жанглар олиб борилди. 17 сентябр куни Украина қуролли кучлари ниҳоят Купянскни икки қисмга ажратиб турадиган Оскол дарёси кечиб ўтилгани ва шарқий қирғоқда ҳам мустаҳкам ўрнашилгани ҳақида хабар берди — Украина қўшинларининг Харкив областидаги қарши ҳужумидан кейин чекинган россиялик ҳарбийлар шу ерда плацдарм ўрнатишганди. Эндиликда агар украин армияси таъминотни йўлга қўйиб, янги қарши ҳужум бошласа, Луҳанск области чегараларигача етиб борилиши мумкин.

Купянск учун интенсив жанглар Балаклия озод этилган куниёқ бошланганди. Шаҳарни тўлиқ эгаллашга Оскол дарёси табиий тўсиқ вазифасини ўтагани халал бераётганди.
Metin Aktas / Anadolu Agency / ABACAPRESS / ddp images / Vida Press

Купянск учун жанглар вақтида шаҳардаги кўплаб кўприклар портлатилган ва жиддий шикастланган. Аммо бу Украина армияси барибир россияликлар мудофаасини ёриб ўтишига тўсқинлик қилолмади.
Metin Aktas / Anadolu Agency / ABACAPRESS / ddp images / Vida Press

17 сентябр куни ижтимоий тармоқда Купянскнинг РФ ҳарбийлари назоратида бўлиб турган шарқий қисми ҳам озод этилгани акс этган фото ва видеодалиллар тарқалди.
Metin Aktas / Anadolu Agency / ABACAPRESS / ddp images / Vida Press

Харкив областининг бошқа кўплаб ҳудудлари каби, Купянскда ҳам кўплаб бинолар ҳарбий ҳаракатлар чоғида вайрон бўлган.
Metin Aktas / Anadolu Agency / ABACAPRESS / ddp images / Vida Press

Купянск маркази яқинида снарядлар келиб тушиши оқибатида шикастланган автомобиллар.
Metin Aktas / Anadolu Agency / ABACAPRESS / ddp images / Vida Press

Купянскнинг деярли барча ҳудудларида ҳарбий ҳаракатлар изи қолган.
Metin Aktas / Anadolu Agency / ABACAPRESS / ddp images / Vida Press

Купянск ва атрофдаги бошқа озод этилган аҳоли манзилларида яшовчи кишилар (фотода — Шевченково посёлкасида яшовчи оила) эндиликда фронт чизиғидан нисбатан узоқлашган Харкив ва бошқа шаҳарларга кўчиши мумкин.
Metin Aktas / Anadolu Agency / ABACAPRESS / ddp images / Vida Press

Харкив области

Харкив областидаги Изюм шаҳрида шаҳар Россия армияси истилоси остидаги давр оқибатларини текшириш давом эттирилмоқда.

Изюм атрофидаги ҳудудлардан бирининг ҳарбий ҳаракатлардан кейинги кўриниши.
Wojciech Grzedzinski / The Washington Post / Getty Images

Фотода — россиялик ҳарбийларнинг Изюмдаги жиноятлари жабрланувчиларидан бири. Аёлннг сўзларига кўра, истило вақтида уни зўрлашган, шунингдек шаҳар учун жанглар вақтида снаряд парчасидан жароҳатланган.
Wojciech Grzedzinski / The Washington Post / Getty Images

Маҳаллий аҳоли бедарак йўқолган яқинларини қидиришни давом эттирмоқда. Фотода — Володимир Колесник Изюмда россияликлар армияси чекингач топилган оммавий қабрга кўмилганлар рўйхатидан ўз қариндошларининг номларини изламоқда.
Gleb Garanich / Reuters / Scanpix / LETA

Изюмда россияликлар истилоси рамзлари ҳамон сақланиб қолмоқда, аммо жойларда уларнинг ўрнини Украина герблари эгалламоқда.
Wojciech Grzedzinski / The Washington Post / Getty Images

«82-кун! Уйга қайтишни хоҳлайман! Йигитлар, Лопан одамни ўзгартиради» — РФ қуролли кучларининг номаълум аскари Казачя Лопандаги трансформатор будкасида шундай ёзувлар қолдирган, бу посёлка Украина армияси томонидан озод этилди.
Vyacheslav Madiyevskyy / Укринформ / ZUMA Press Wire / Scanpix / LETA

Изюм яқинида ҳалок бўлган россиялик ҳарбий жасади
Gleb Garanich / Reuters / Scanpix / LETA

Донецк

17 сентябр куни Донецк маркази ўққа тутилди. «ДХР» расмийларига кўра, зарба оқибатида қурбонлар ва жабрланувчилар бор. ТАСС маълумотига кўра, Венесуэланинг TeleSUR телеканали мухбири ҳам жароҳат олган. Украина армияси снарядларидан бири Ворошилов райони маъмурияти биносига келиб тушган.

Донецк маркази ўққа тутилиши вақтида ҳалок бўлганлардан бирининг жасади.
Alexander Ermochenko / Reuters / Scanpix / LETA

Донбасс шимоли

Нафақат Купянскда, балки Харкив, Луҳанск ва Донецк областларида фронтнинг бошқа участкаларида ҳам интенсив ҳарбий ҳаракатлар давом этмоқда. Украина ҳарбийлари бу йўналишларда 10 кун олдин Балаклияда бўлгани каби ўнлаб километрларга ёриб ўта олмайди, бу босқичда йирик сув тўсиқлари ортида мустаҳкам ўрнашган РФ қуролли кучларининг мудофаасини енгиб ўтиш талаб этилади.