Британия Скрипалларга суиқасдда асосий гумонланувчиларни аниқлади

Фото: Reuters

Полиция ва разведка идораси ГРУ собиқ полковниги Сергей Скрипаль ҳамда унинг қизи Юлияга суиқасд уюштиришда асосий гумонланувчиларни аниқлади. Бу ҳақда The Telegraph манбаларга асосан хабар бермоқда.

Полициянинг аксилтеррорчилик бўлинмаси айни вақтда ишни гумонланувчилар атрофида қуришга ҳаракат қилмоқда.

Хабар қилинишича, Британия ҳуқуқни муҳофаза қилиш органлари суиқасдда иштирок этган шахслар гуруҳи Россия ҳукумати билан алоқадор эканига ишончи комил. Скотланд-Ярд маълумотларига кўра, гумонланувчилар Россияга қайтиб кетиб бўлган.

Газетанинг кўрсатишича, аниқ исм-фамилиялар Буюк Британияга келган ва ундан парвоз қилган рейслар йўловчилари рўйхати таҳлил қилинганидан сўнг ўрнатилган.

Эслатиб ўтамиз, аввалроқ АҚШ фақат Россия Скрипални заҳарлашдан манфаатдор бўлганини маълум қилганди.