Ўзбекистон ва Қозоғистон эмланганлик тўғрисидаги сертификатлари ўзаро тан олинди

Ўзбекистон ва Қозоғистон ўртасида эмланганлик тўғрисидаги сертификатлар ўзаро тан олинди. Бу ҳақда "Uzbekistan Airways" хабар бермоқда.

Фото: Павел Бедняков

Қайд этилишича, икки мамлакат чегарасидан ўтиш вақтида Ўзбекистон ва Қозоғистон фуқаролари ўз давлатларида эмланганлик тўғрисидаги сертификатга эга бўлса, ПЗР-тестининг манфий натижасини тақдим этишлари шарт эмас.

Маълум қилинишича, барча сертификатлар QR-кодига эга бўлиши керак.

Бундан олдин Ўзбекистон ва Туркия ўртасида эмланганлик сертификатларини ўзаро тан олиш ҳақидаги келишувга эришилганди.

Томонлар қонунчилигига мувофиқ, ваколатли органлар томонидан берилган COVID-19 вирусига қарши эмланганликни тасдиқловчи расмий сертификатларни ўзаро тан олади.

Томонлар эмланганлик тўғрисидаги сертификат эгасига давлатлари ҳудудига COVID-19 вируси тарқалиши олдини олишга қаратилган чекловларсиз киришни кафолатлайди.

Тайёрлаган: Отабек Матназаров

#вакцина #сертификат #Қозоғистон