Қўшимча функционаллар
-
Тунги кўриниш
Бухорода вояга етмаган фарзандларининг никоҳ тўйини қилган ота-оналар жаримага тортилди
16 ёшли ўсмир 17 ёшли қизга уйлангани ҳолати бўйича, улардан бирининг отаси, иккинчисининг онаси никоҳ ёши тўғрисидаги қонунчиликни бузгани учун 2 млн 380 минг сўмдан жаримага тортилди.
Фото: Kun.uz
Бухорода вояга етмаган фарзандларининг никоҳ тўйини қилган оналарга жаримага қўлланди. Бу ҳақда Болалар омбудсмани хабар берди.
Маълум қилинишича, Бухорода вояга етмаганларнинг тўй маросими юзасидан қўзғатилгани маъмурий ҳуқуқбузарлик иши бугун кўриб чиқилган. Вояга етмаган А.А. нинг отаси Н.С. ҳамда вояга етмаган Н.Р. нинг онаси Қ.Н. никоҳ ёшига етмаган шахсни эрга берганлик (уйлантирганлик) учун Маъмурий жавобгарлик тўғрисидаги кодекснинг 47-3 моддаси 2-қисми (Никоҳ ёши тўғрисидаги қонунчиликни ёки никоҳ тузиш тартибини бузиш) билан маъмурий жавобгарликка тортилган.
Уларнинг ҳар бирига 2 млн 380 минг сўмдан жарима белгиланган.
Олдинроқ Бухорода оила қурган 16 ёшли йигит ва 17 ёшли қизнинг ота-онасига маъмурий иш қўзғатилгани хабар қилинганди.
Мавзуга оид
09:52
10 ойда салкам 16 минг киши оиладаги зўравонлик учун жавобгарликка тортилди
19:03 / 22.11.2024
"16 ёшли" аёлнинг 1 яшар эгизак фарзанди. Эрта никоҳни тарғиб қилганлар огоҳлантирилди
09:51 / 21.11.2024
Бухоронинг айрим ҳудудларида газ таъминоти вақтинча тўхтатилади
20:55 / 20.11.2024