Венгрияда этно-фестивал — қурултойда 27 туркий тилли халқ вакиллари иштирок этишди

Можаристоннинг (Венгрия) Бугац шаҳрида ранг-баранг этнофестивал — Туркий тилли халқларнинг катта VII Қурултойи бўлиб ўтди.

Ҳар икки йилда бир марта ташкиллаштириладиган тадбирни «Турон-Можаристон» фонди ҳамда Туркиянинг ҳамкорлик ва мувофиқлаштириш бўйича агентлиги (TIKA) қўллаб-қувватлади, деб ёзади Dailysabah.

Тадбирга таклиф этилган меҳмонлар қаторида Венгрия миллий мажлиси спикери Ласло Кевер этно-маданий фестивал қатнашчиларини ҳунларнинг буюк империяси етакчиси — Атилланинг издошлари деб атаган.

Кевер мадярларни «Шарқнинг энг ғарбий халқи», деб атаган ва унинг мамлакати ҳеч қачон қардош шарқий халқларни унутмаслигини таъкидлаб ўтган.

Парламент спикери Туркий тилли халқларнинг катта қурултойи 2008 йилдан буён ўтказилаётганини таъкидлаб, мадяр халқи тарихини бузиб кўрсатишга уринаётган доираларга ўзига хос рамзий мурожаат эканлигини таъкидлаб ўдти. «Венгрлар ҳақидаги сохта маълумотлар ва уларнинг чин илдизларини яширишга уринишдан маълум бир доиралар асл мақсади йўлида фойдаланмоқчи», — деди Кевер.

Венгрияда бўлиб ўтган мазкур фестивалда 27та туркий тилли халқларнинг вакиллари иштирок этишди.

Венгрларнинг онгида Марказий Осиё доимо ота юрт сифатида қадрлаб келинган, асрлар оша мадярлар ўзининг келиб чиқишини айнан мана шу минтақа билан боғлаб келади, деган спикер.

Бугацда ўтказиладиган қурултой — театрлаштирилган шоу-дастурлар, мусиқий чиқишлар, археологик-атропологик кўргазмалар, ҳунармандлар ярмаркасидан иборат кенг қамровли тадбир ҳисобланади.

Қурултойнинг расмий сайти ўзбек тилида ҳам юритилади.