Фото: KUN.UZ
Ўзбекистон Республикаси Марказий банкида валюта сиёсати бўйича матбуот анжумани бўлиб ўтмоқда. Бу ҳақда Kun.uz мухбири хабар берди.
Марказий банк раиси Мамаризо Нурмуратовнинг сўзларига кўра, 21 августдан бошлаб банклар қошидаги валюта айирбошлаш шохобчаларида нақд валюта сотиш тўлиқ бошланади.
“Жамоат жойларидаги шохобчаларда бу тизим ҳали йўлга қўйилмаган. Бу шахсни идентификациялаш, техник ҳолат билан боғлиқ. Бу ҳам яқин келажакда амалга оширилади”, - дея Марказий банк раисининг сўзларини келтирмоқда Kun.uz мухбири.
Бундан олдин, 20 августдан тижорат банклари нақд валюта сотишни бошлагани хабар қилинганди.
