ОАВ: Қошиқчининг қотиллари Саудия валиаҳд шаҳзодаси билан алоқадор

Фото: Jacquelyn Martin/AP

Мухолиф журналисти Жамол Қошиқчини ўлдирганликда гумон қилинаётганлар Саудия Арабистони валиаҳди шаҳзодаси Муҳаммад бин Салмон билан алоқаларга эга. Бу ҳақда The New York Times газетаси хабар бермоқда.

Таъкидланишича, шубҳали шахслардан бири шаҳзодага чет элга сафарларда бир неча бор ҳамроҳлик қилган, фотосуратларда у қўриқчилар олдида турибди. Яна бир гумонланувчи - Саудия Арабистони Ички ишлар вазирлигида юқори лавозимга эга бўлган суд шифокори.

Нашр маълумотларига кўра, турк полицияси томонидан аниқланган 15 нафар гумондорнинг камида тўққиз нафари Саудия Арабистони хавфсизлик хизмати, ҳарбий идоралар ва вазирликларда ишлаган.

Эслатиб ўтамиз, аввалроқ Халқаро валюта жамғармаси директори Кристин Лагард Саудия Арабистонига боришдан бош тортганди.

Тайёрлаган Отабек Матназаров

#Саудия Арабистони #Муҳаммад бин Салмон #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди