Жанубий Корея: КХДРнинг бу қадамидан афсусдамиз

Фото: Creative Commons

Жанубий Корея КХДРнинг вазирлар даражасида музокаралар ўтказишдан тўсатдан бош тортгани туфайли афсусда эканини билдирди. Бу Америка-Жанубий Корея ҳарбий машқлари туфайли юз берди, деб хабар қилмоқда РИА «Новости» мамлакатнинг Миллий бирлашув ишлари бўйича вазирлиги баёнотига асосан.

«Жануб ва Шимолнинг юқори даражадаги музокараларини Америка-Жанубий Корея мунтазам ҳарбий-ҳаво машқлари баҳонаси билан бир томонлама кечиктириш 27 апрель куни икки давлат етакчилари томонидан мувофиқлаштириб олинган Пханмунжом декларациясига мос келмайди ва афсусга сабаб бўлмоқда», - дейилади баёнотда.

Пентагондан маълум қилишларича, Жанубий Корея ва АҚШнинг қўшма ҳарбий машқлари фақат минтақа ҳимоя салоҳиятини оширишга мўлжалланган.

Эслатиб ўтамиз, аввалроқ КХДР Жанубий Кореяга таклиф билан чиққани, у қабул қилингани хабар берилганди.