Президент Жаҳон савдо ташкилотига аъзолик йўлида муҳим фармонни имзолади
Ҳужжат билан бир нечта компанияларга берилган эксклюзив ҳуқуқлар босқичма-босқич бекор қилинади. Президент ёрдамчиси Саида Мирзиёеванинг маълум қилишича, фармон қора ва рангли металларни қайта ишлаш, кимё саноати, телекоммуникация ва энергетика каби қатор соҳаларда янги даврни бошлаб беради.
Ўзбекистон президенти 3 июн куни “Бозор ислоҳотларини янада жиддийлаштириш ва Ўзбекистон Республикаси миллий қонунчилигини Жаҳон савдо ташкилоти битимларига мувофиқлаштириш бўйича навбатдаги чора-тадбирлар тўғрисида” фармон имзолади.
Фармон билан Жаҳон савдо ташкилотига аъзо бўлиш жараёнини жадаллаштириш чоралари белгиланган. Ҳужжат 4 июн куни расман эълон қилинади.
Президент ёрдамчиси Саида Мирзиёеванинг маълум қилишича, бу ҳужжат мамлакат раҳбариятининг жиддий ва мураккаб ислоҳотлар йўлида шаҳдам қадам ташлаётганини кўрсатади.
“Фармон қора ва рангли металларни қайта ишлаш, кимё саноати, телекоммуникация ва энергетика каби қатор соҳаларда янги даврни бошлаб беради.
Биз Жаҳон Савдо Ташкилотининг энг асосий шартларидан бири – барча учун тенг ва эркин рақобат шароитини яратиш принципига амал қилган ҳолда, мамлакатимизнинг ушбу ташкилотга аъзо бўлиш борасида қарори қатъий эканини яна бир бор намойиш қилмоқдамиз”, – дея ёзди Мирзиёева ўз Telegram-каналида.
Иқтисодчи Отабек Бакировга кўра, фармон билан қатор монополистларнинг бир неча ўн йиллар амал қилган ва аввалги эпохадан қолган, кейинчалик янги даврда кучайган қатор эксклюзив ваколат ва ҳуқуқлари босқичма-босқич бекор бўлмоқда.
“Шунингдек, тарифларни бирхиллаштириш, нотариф чекловлар ва турли преференциялардан воз кечиш кўзда тутилган.
Давлат харидларида соғлом рақобат муҳитини рағбатлантириш мақсадларида жиддий қадамлар қўйилиши белгиланган”, – дея ёзди Бакиров.
Мавзуга оид
11:52 / 14.09.2024
Саида Мирзиёева: «Оиладаги зўравонликларга қарши кураш бўйича мамлакатимиз минтақада етакчига айланганидан фахрланаман»
08:14 / 14.09.2024
Ўзбекистон 18 давлат билан ЖСТга аъзо бўлиш бўйича музокараларни якунлади
14:24 / 13.09.2024
Саида Мирзиёева ЖСТ бош директори билан учрашди
14:29 / 20.08.2024