Россияда сафарбар қилинган шахсга нисбатан қочиш бўйича биринчи иш очилди

Ёқутистонлик исм-шарифи айтилмаган, сафарбар қилинган фуқарога ҳарбий қисмни рухсатсиз тарк этиш айблови қўйилди. 26 октябр, чоршанба куни «Агора» ҳуқуқни муҳофаза қилиш ташкилоти раҳбари Павел Чиков хабар беришича, бу Россияда бундай таъқибларнинг биринчи ҳолатидир.

Чиков 17 октябрда иш қўзғатиш тўғрисида қарор қабул қилинган ҳужжатга эга эканини билдирди. Улан-Уде шаҳридаги терговчи Слепнев қўл остидагиларидан 30 сентябр куни бир ҳафта олдин чақирилган кичик сержант 46108-қисмни рухсатсиз тарк этгани, қўмондонлик уни топа олмагани ҳақида хабар олган.

Слепнев ишни Россия Федерацияси Жиноят кодексининг 337-моддаси 3.1-қисми бўйича квалификация қилди, қонун чиқарувчилар сафарбарлик эълон қилиниши арафасида уни қатъийлаштиришга қарор қилганди. Ёқутистонлик фуқаро армияни бир ойгача тарк этганликда айбланмоқда, унга етти йилгача қамоқ жазоси берилиши мумкин.

Павел Чиковнинг сўзларига кўра, армиядан қочган эркак украиналикларни отиб ташлашга бормаслигини айтган ва жисмоний зўравонлик ва жиноий жавобгарликка тортиш таҳдидларидан сўнг, ҳарбий қисмни панжара тешиги орқали тарк этган. ОАВ маълумотларига кўра, 46108-қисм – 5-танк бригадасида хизмат қилганлар Украинадаги урушда ҳалок бўлган.

21 сентябр куни Россия президенти Владимир Путин қисман сафарбарлик эълон қилди, унда 300 минг киши чақирилади. Амалда, бу оммавий бўлиб чиқди ва Россия Федерациясининг кўплаб фуқароларига таъсир қилди: кимдир кетишга қарор қилди, кимдир яширинишга ҳаракат қилмоқда, компаниялар вақтинчалик ходимларни қидира бошладилар. «Важные истории» суриштирув лойиҳасига кўра, сафарбарликнинг биринчи ойида 230 мингга яқин руслар армияга жалб қилинган, йиғин пунктларида ва жанговар зонада 50 дан ортиқ киши ҳалок бўлган.