Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 15:14 / 09.09.2022
    18295
    4 дақиқада ўқилади

    Балаклияда украинлар байроғи, дарё орқали тарвуз ташиётган херсонликлар. Уруш суратлари

    Украина президенти Володимир Зеленский украин ҳарбийлари Харкив областидаги Балаклия шаҳри озод этилгани ҳақида гапирган видеони эълон қилди. «Украина байроғи эркин украин осмони остидаги озод қилинган украин шаҳрида!» — дея изоҳ беради президент. Унинг сўзларига кўра, кузнинг илк кунларидан буён украин армияси минг квадрат километрдан ортиқ майдондаги ўнлаб аҳоли пунктларини озод этишди. Россияликлар Грузияга оммавий кириши тақиқланди, Болтиқбўйи давлатлари ва Польша эса ҳар қандай шенген визасига эга россияликлар учун 19 сентябрдан бошлаб мамлакатга киришни тақиқлайди. АҚШ Давлат котиби Энтони Блинкен олдиндан эълон қилинмаган ташриф билан Киевга келди. Петербургда муниципал депутатлар Давлат думасидан Путинни уруш бошлагани учун давлатга хиёнат қилишда айблашни талаб этди.

    Қуйида 8 сентябр, урушнинг 197-кунида Украинанинг турли ҳудудларида олинган суратлар.

    Балаклияда ўрнатилган байроқ

    Балаклияни озод этиб, у ерда ўз байроқларини ўрнатган украин ҳарбийлари. Бу Зеленский ўз саҳифасида эълон қилган видеодан скриншот
    Фото: Володимир Зеленскийнинг Telegram саҳифасидан

    Донбасс шимолида ўйиндаги ва ростакам уруш

    Ўйинчоқ автомат кўтарган бола ўйинчоқ блокпостда туриб ўтаётган автомобилларни кузатмоқда. Бу украин ҳарбийлари томонидан назорат қилинадиган ҳудуд, боланинг кийимида Украина байроғи акс этган. Фото: Juan Barreto / AFP / Scanpix / LETA
    Россияликлар зарбаси вақтида ҳалок бўлган рафиқаси жасади устида турган киши, Нью-Йорк посёлкаси. Шу куни у посёлкага зарбалар вақти ҳалок бўлган ягона қурбон бўлди, қўшни Бахмутда эса беш киши ҳалок бўлган.
    Ammar Awad / Reuters / Scanpix / LETA

    Блинкеннинг Киевга ташрифи 

    Херсон областидан бўлган олти ёшли Марина АҚШ Давлат котиби Энтони Блинкеннинг Киевдаги болалар шифохонасига ташрифи чоғида сапёр ит Патрон билан кўришмоқда. Сафар давомида Блинкен Украина ва келажакда Россия таҳдид солиши мумкин бўлган бошқа Европа давлатлари учун учун икки миллиард долларлик ёрдам пакети ҳақида эълон қилди. Фото: Genya Savilov / Reuters / Scanpix / LETA
    Ота ва қизи Киевда урушда қурбон бўлган украин ҳарбийларининг суратларини кўздан кечирмоқда.
    Efrem Lukatsky / AP / Scanpix / LETA

    Херсондаги кундалик ҳаёт тарзи 

    Херсон областида Россия томонидан тайинланган ҳарбий-фуқаролик маъмурияти биноси олдидаги майдонда танкка қарши тўсиқда ўтирган киши. CNN хабар беришича, Украина армияси шаҳарни йил охирига қадар қайтариб олмоқчи.
    Сергей Мальгавко / ТАСС
    Днепрнинг иккинчи соҳилига катер орқали сузиб ўтаётган аҳоли вакиллари. Одамлар дарёдан фақат катер ва қайиқлар орқали ўтиши мумкин: шаҳарга олиб борувчи кўприкларнинг барчаси вайрон қилинган.
    Сергей Мальгавко / ТАСС
    Маҳаллий аҳоли эски паромда Днепрнинг иккинчи соҳилига тарвуз ва қовун ташимоқда.
    Сергей Мальгавко / ТАСС

    Мариуполда уруш излари

     

    Россия ҳарбий техникалари колоннаси Запорижжя областига олиб борувчи йўлда кетмоқда.
    AFP / Scanpix / LETA

     

    Шаҳар учун жанглар вақтида вайрон бўлган бино. Россиялик қурувчилар бир неча янги турар жой биноларини қуришди, аммо шаҳарда 1100 дан ортиқ турар жой биноси вайрон бўлган
    Пакет кўтарган аёл Мариупол кўчаси бўйлаб кетмоқда — йўл ёқасида вайрон бўлган бино ва автомобил қолдиқлари.
    AFP / Scanpix / LETA
    Мариупол яқинидаги Виноградное қишлоғидаги янги қабрлар (ўлим кунлари март ойига тўғри келади). Айнан март ойида қишлоқда биродарлик қабристони пайдо бўлганди, унга Мариуполнинг шаҳар учун жанглар вақтида ҳалок бўлган юзлаб аҳолиси кўмилганди.
    AFP / Scanpix / LETA
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    19:38

    Украинани қўллаш ёки сотқинлик — АҚШдаги сайловлардан нима кутиш мумкин?

    18:09

    КХДР Россияни «муқаддас урушда» қўллаб-қувватлайди – КХДР ташқи ишлар вазири

    14:10

    Украина Хитой ва Бразилия ташаббусларини кўриб чиқиши мумкин

    09:30

    РФ ТИВ Украинанинг НАТОга аъзолиги бўйича «немис модели»ни рад этди