Ким Чен Ин АҚШ давлат котибига ядровий полигон йўқ қилинганини тасдиқлади

Фото : Twitter\@SecPompeo

Шимолий Корея етакчиси Ким Чен Ин АҚШ бош котиби Майк Помпео билан учрашувда Пунгири ядровий полигони йўқ қилинганини тасдиқлади ва бунга ишонч ҳосил қилиш учун мамлакатга инспекторларни таклиф қилди.

Маълум қилинишича, томонлар АҚШ президенти ва Шимолий Корея етакчиси ўртасида бўлиб ўтажак иккинчи саммитни муҳокама қилишган ва “унинг ўтказилиши жойи ҳамда санаси вариантлари”ни аниқлаштириб олишган.

“Давлат котиби Помпео ва раис Ким барча гуруҳларга Сингапур баёнотидаги бандларни амалга ошириш мақсадида қолган масалаларни муҳокама қилиш учун яқин орада учрашув ўтказишни топширишга келишиб олишди”, деб айтилган хабарда.

Учрашувда, шунингдек, АҚШнинг Шимолий Корея бўйича махсус вакили Стивен Бигун, Корея ишчи партияси марказий қўмитаси директори биринчи ўринбосари Ким Йо Чен иштирок этган.

Тайёрлаган: Шуҳрат Раҳимов

#Ким Чен Ин #Майк Помпео #ядровий полигон #Пунгири