Австрия 10 та гол урди, Нидерландия ва Данияда ҳам йирик ғалабалар. Кун ўйинлари

L гуруҳи

Стратегик дуранг

Чехия – Хорватия 0:0
Чехия: Коварж, Витик, Крейчи, Зелени, Цоуфал, Черв, Соучек, Шулц (Лингр, 76), Кушей (Видра, 62), Провод (Черни, 76), Хори
Хорватия: Ливакович, Чалета-Цар, Шутало, Гвардиол, Якич, Модрич, Сучич, Крамарич, Перишич (Фрук, 78), М. Пашалич (Иванович, 62), Будимир (М. Пашалич, 62)
Огоҳлантиришлар: Сучич, 73. Крамарич, 76

Куннинг марказий баҳсида L гуруҳи пешқадамлари ўртасида кечди – биринчи даврада хорватлар ўз майдонида 5:1 ҳисобида устун келганди, аммо Прагада кечган учрашув мухлисларнинг ҳафсаласини пир қилди. Бу Европа саралаш босқичида икки томон ҳам гол урмаган ягона ўйин бўлди. Ҳатто xG кўрсаткичлари бўйича ҳам жамоаларнинг бирортаси битта ҳам голга яқин кела олишмади (0,49 га қарши 0,77).

Бу стратегик дурангдан кейин икки жамоада ҳам 13 тадан очко бор, лекин хорватларнинг тўплар нисбати яхшироқ, қолаверса, болқонликлар ҳисобида битта захира ўйини ҳам мавжуд.

Фарер ороллари – Черногория 4:0
Голлар: Серенсен, 16 (1:0). Роганович, 36 – автогол (2:0). Серенсен, 55 (3:0). Фредериксберг, 72 – пеналти (4:0)
Фарер ороллари: Ламҳауге, Ватнҳамар, А. Эдмундссон, Фере, Ҳендрикссон Олсен (Тури, 68), Андреасен, Агнарссон, Даниэлсен (Беняминсен, 82), Фредериксберг (Кнудсен, 76), Серенсен (Юстинуссен, 76), Олсен (Й. Эдмундссон, 68)
Черногория: Никич, Савич, Шипчич, Вукчевич, Роганович (Байович, 66), Шимун, Перович (Жуканович, 59), Бакич, Аджич (Цамай, 66), Крстович, Осмаич (Костич, 82)
Огоҳлантиришлар: Шимун, 53. Вукчевич, 66

Куннинг энг кутилмаган ҳисоби ҳам шу гуруҳда қайд этилди. Эйдун Клакстейн бошқарувидаги Фарер ороллари жамоаси Торсхавндаги ўйинда Черногорияни йирик ҳисобда мағлуб этиб, гуруҳ пешқадамларини таъқиб қилишга киришди. Ўйиндаги биринчи голни мезбонлар қарши ҳужумда уришди, Сёренсен рақиб жарима майдони ичида Вукчевични осонлик билан алдаб ўтди ва эпизодни ўз фойдасига ҳал қилди. Кейин фарерликлар стандарт вазиятни ижро этганида тўп учун кураш олиб борган Роганович ўз дарвозасини ишғол этиб қўйди. Иккинчи бўлим бошида Сёренсен яқин масофадан бош билан аниқ зарба йўллаб, ҳисобни йириклаштирди. Бўлим давомида Фредериксберг пеналтини аниқ ижро этди ва Фарер ороллари жамоаси ўз тарихидаги энг йирик ғалабали ҳисобни такрорлади. Бунгача улар Лихтенштейн билан ўйинларда икки бор йирик ҳисобда зафар қучганди (5:1 ва 4:0).

12 октябр. Фарер ороллари – Чехия, Хорватия – Гибралтар.
14 ноябр. Гибралтар – Черногория, Хорватия – Фарер ороллари.
17 ноябр. Чехия – Гибралтар, Черногория – Хорватия.

G гуруҳи

Депай яна гол урди

Малта – Нидерландия 0:4
Голлар: Гакпо, 12 – пеналти (0:1). Гакпо, 49 – пеналти (0:2). Рейндерс, 57 (0:3). Депай, 90+3 (0:4)
Малта: Бонелло, Шоу, Пепе, Камензули, Корбалан, Гийоме, Сатариано (Оверенд, 73), Теума (Рид, 84), Шуареф (Жонс, 84), Мбонг (Янкам, 73), Кардона (Тума, 87)
Нидерландия: Вербрюгген, Тимбер, ван Дейк, ван де Вен (Хартман, 84), Дюмфрис, Рейндерс, де Йонг (Депай, 67), Гравенберҳ, Гакпо (Симонс, 84), Фримпонг (Мален, 67), Вегхорст (Клюйверт, 67)
Огоҳлантиришлар: Камензули, 37. Пепе, 47. Кардона, 55. Теума, 83. Оверенд, 90 – ван Дейк, 62. Депай, 74

Малта майдонидаги ўйин Нидерландия учун кутилмаган ҳолат билан бошланди. «Тўқсариқранглилар» жамоаси сардори ван Дейк қўпол хатога йўл қўйиб, жарима майдони ичида тўпни рақибга топширди, аммо Мбонг яккама-якка вазиятдан фойдалана олмади. Кейин эса ҳакам мезбонлар дарвозаси томон уч марта пеналти белгилади, улардан бири VAR орқали бекор қилинди, қолган иккитасида Гакпо ишонч билан ҳаракат қилди ва терма жамоа сафидаги голлари сонини 17 тага етказиб, Руд Гуллит ва Марк Овермарс билан тенглашиб олди. У Рейндерс урган учинчи голда эса ассистентлик қилди. Қўшимча дақиқаларда эса Думфрис рақиб жарима майдони ичида ажойиб финт ишлатди ва Нидерландия терма жамоаси тарихидаги энг яхши тўпурар Мемфис Депайга навбатдаги голини уришда ёрдам берди. Йирик ғалабадан кейин Нидерландия гуруҳ пешқадамлигини мустаҳкамлади.

Финландия – Литва 2:1
Голлар: Ширвис, 25 (0:1). Келман, 48 (1:1). Мархиев, 55 (2:1)
Финландия: Синисало, Иванов, Ляхтеенмяки (Пелтола, 83), Коски, Антман (Стол, 83), Алхо, Кайринен, Валта (Кескинен, 83), Мархиев (Лод, 61), Келман (Терхо, 65), Похянпало
Литва: Шведкаускас, Тутишкинас, Гирдвайнис, Армалас (Сиргедас, 77), Ласицкас, Ширвис, Воробев, Гинейтис, Должников (Сливка, 60), Голубикас (Янкаускас, 60), Паулаускас (Петкевичюс, 77)
Огоҳлантиришлар: Иванов, 72. Кескинен, 90 – Должников, 14

Нидерландларнинг гуруҳдаги таъқибчиларидан бири Финландия Литва билан ўйинда ирода кўрсатиб, ЖЧ йўлланмаси учун курашда қоладиган бўлди. Иккинчи бўлим бошида Келлманнинг ҳисобни тенглаштирувчи голи аввалига офсайд туфайли ҳисобга олинмаганди, аммо видеотакрордан кейин тўп унга рақибдан келгани маълум бўлди. Кўп ўтмай Адам Мархиев ғалаба голини урди. Финнлар сафида сентябр ойида дебют қилган ушбу ёш футболчи учинчи ўйинига келиб голлар ҳисобини очди, унинг унча кучли бўлмаган, аммо аниқ бўлган зарбасидан кейин тўп юқори бурчакка бориб тушди.

12 октябр. Литва – Полша, Нидерландия – Финландия.
14 ноябр. Финландия – Малта, Полша – Нидерландия.
17 ноябр. Малта – Полша, Нидерландия – Литва.

C гуруҳи

Глазгода реванш

Шотландия – Греция 3:1
Голлар: Цимикас, 62 (0:1). Кристи, 64 (1:1). Фергюсон, 80 (2:1). Дайкс, 90+3 (3:1)
Шотландия: Ганн, Ҳэнли, Суттар, Робертсон (Маккенна, 90+2), Ҳики (Ралстон, 58), Фергюсон, Макгинн, Мактоминай, Кристи (Тирни, 83), Доук (Гилмор, 58), Адамс (Дайкс, 83)
Греция: Тзолакис, Кулиеракис, Мавропанос, Цимикас, Ваяннидис, Курбелис (Музакитис, 83), Зафейрис (Манталос, 83), Бакасетас (Константелиас, 72), Тзолис, Масурас (Карецас, 72), Павлидис (Иоаннидис, 72)
Огоҳлантиришлар: Кристи, 72. Фергюсон, 90 – Курбелис, 34. Зафейрис, 44. Цимикас, 79. Иоаннидис, 83

Баҳорда «Ҳэмпден Парк»да греклар Шотландиянинг Миллатлар лигаси олий дивизионига чиқиш умидларини чилпарчин этганди (3:0). Бу сафар ҳам барчаси мезбонлар учун ёқимсиз сценарийда бошланиши мумкин эди, аммо ўйин стартида эллинлар жамоаси тўпурари Павлидис дарвозабон ҳудудида туриб, тўпни тўғри йўллай олмади. Лекин иккинчи бўлим бошида чап қанот ҳимоячиси Цимикас жарима майдонида пайдо бўлди ва аниқ зарба билан ҳисобни очди. Шундан кейингина британлар катта куч билан олдинга ўтишди ва стандарт вазиятлар орқали ўйинда бурилиш ясашди. Аввалига Кристи мувозанатни тиклади, кейин Фергюсон жарима майдонидаги тартибсизликдан фойдаланиб қолди. Ҳисоб 2:1 ҳолатида тажрибали дарвозабон Ганн 17 ёшли вундеркинд Каретсаснинг мураккаб зарбасини қайтариб, жамоаси ғалабасини сақлаб қолишга катта ҳисса қўшди. Қўшимча дақиқаларда эса греклар дарвозабони Цолакис қўпол хатога йўл қўйди, у майдон ташқарисига чиқиб кетаётган тўпни майдонда сақлаб қолишга уринди, аммо уни рақиб футболчиси Дайксга ташлаб берди. Натижада эллинлар гуруҳдаги икки рақобатчисига ҳам ютқазган ҳолда 3 очко билан учинчи ўринда, Шотландия эса Дания билан биринчи ўрин учун курашади.

Беларус – Дания 0:6
Голлар: Фроҳолдт, 14 (0:1). Ҳойлунд, 19 (0:2). Ҳойлунд, 45 (0:3). Доргу, 45+6 (0:4). Дрейер, 66 (0:5). Дрейер, 78 (0:6)
Беларус: Лапоухов, Забелин, Пархоменко, Капилевич, Печенин, Пигас (Лисакович, 79), Калинин (Яблонский, 58), Эбонг (Кучко, 79), Корзун, Барковский (Малашевич, 72), Мелниченко (Демченко, 46)
Дания: Шмейҳел, Андерсен (Ҳойсберг, 46), Вестергор, Кристенсен, Юлманн (Норгар, 64), Ҳейберг, Доргу, Исаксен (Дрейер, 64), Фроҳолдт (Эриксен, 46), Дамсгор, Ҳойлунд (Винн, 77)
Огоҳлантиришлар: Пигас, 15. Барковский, 34 – Ҳейберг, 5

Дания эса ўзи қилиши керак бўлган ишни қилди. Аниқроқ айтганда, гуруҳ аутсайдери ҳисобланган беларуслар майдонидан уч очко билан қайтди, бунда уч футболчининг ҳиссасини эътироф этиш керак. Биринчи навбатда — бошланғич таркибдан ўрин олган 19 ёшли яримҳимоячи Фроҳолдтни, «Копенҳаген» ёзда уни «Порту»га 20 миллион еврога пуллаганди. У шу куни терма жамоадаги илк голини урди ва иккинчи голда Ҳойлундга узатма берди. Расмус «МЮ»дан кетганидан кейин юқори спорт формасини намойиш этишда давом этмоқда. У «Наполи»га келганидан кейин ўтган мавсумда урган голлари (4) сонини такрорлаб улгурди.

12 октябр. Шотландия – Беларус, Дания – Греция.
15 ноябр. Греция – Шотландия, Дания – Беларус.
18 ноябр. Беларус – Греция, Шотландия – Дания.

H гуруҳи

Австрия ўнта гол урди

Австрия – Сан-Марино 10:0
Голлар: Шмид, 7 (1:0). Арнаутович, 8 (2:0). Грегорич, 24 (3:0). Пош, 30 (4:0). Пош, 42 (5:0). Лаймер, 45 (6:0). Арнаутович, 47 (7:0). Вурмбранд, 76 (8:0). Арнаутович, 83 (9:0). Арнаутович, 84 (10:0)
Австрия: Пенц, Дансо, Алаба (Фридл, 63), Прасс, Пош (Гриллич, 71), Зайвальд (Шепф, 76), Лаймер, Грегорич (Флоруч, 63), Забитцер (Вурмбранд, 71), Шмид, Арнаутович
Сан-Марино: Коломбо, Чеволи, Валентини, Този, Маттеони (Саммаритани, 81), Л. Капиккиони, Лаццари (Валли Казадеи, 46), Дзаннони (Муларони, 67), Берарди (Витайоли, 67), Контадини (Г. Капиккиони, 73), Нанни
Огоҳлантиришлар: Алаба, 86 – Берарди, 36. Валентини, 45. Маттеони, 65

Бу ўйин ҳақидаги асосий факт – Австрия терма жамоаси Сан-Марино дарвозасига 10 та гол йўллаган ҳолда, ўз тарихидаги энг йирик ғалабасига эришди. Мезбонлар ғалабасини ўйиндан олдин ҳам тахмин қилиш қийин эмасди, шу билан бирга, улар учун тўплар нисбатини яхшилаб олиш муҳим эди. Натижада Арнаутович покерни расмийлаштириб, Австрия тарихидаги энг яхши тўпурарга айланди. Энди Марконинг ҳисобидаги голлар сони 45 тага етди. У Тони Полстерни (44 гол) ортда қолдирди.

Кипр – Босния ва Герцеговина 2:2
Голлар: Катич, 10 (0:1). Михаил, 36 – автогол (0:2). Лаифис, 45+1 (1:2). Питтас, 90+7 - пеналти (2:2)
Кипр: Михаил, С. Андреу, Лаифис, Корреа (Пилеас, 65), Шиккис, Артиматас (Кириаку, 80), Кастанос, Хараламбус (Какуллис, 72), Ционис (И. Андреу, 80), Лоизу (Куцакос, 80), Питтас
Босния ва Герцеговина: Васил, Мухаремович, Катич, Муякич (Бурнич, 46), Дедич, Тахирович (Беширевич, 90), Шунич, Гигович (Башич, 65), Алайбегович (Байрактаревич, 65), Мемич (Омерович, 83), Джеко
Огоҳлантиришлар: Корреа, 9. Шиккис, 52 – Муякич, 29. Алайбегович, 45. Шунич, 63. Тахирович, 81

12 октябр. Сан-Марино – Кипр, Руминия – Австрия.
15 ноябр. Кипр – Австрия, Босния – Руминия.
18 ноябр. Австрия – Босния, Руминия – Сан-Марино.