Жаҳон банки Ўзбекистондаги учта шаҳарни ривожлантириш ва ободонлаштириш бўйича лойиҳани амалга оширади

Жаҳон банки Ўзбекистонда мамлакатнинг инвестицион ва туристик салоҳиятини ошириш, шунингдек, аҳоли турмуш даражасини яхшилашга қаратилган, ўрта шаҳарларни интеграциялашган ривожлантириш бўйича лойиҳани амалга оширишни режалаштирмоқда.

Яқин вақт ичида Жаҳон банки Когон, Чортоқ ва Янгийўл шаҳарларини ривожлантириш ва ободонлаштириш бўйича синов лойиҳасини амалга оширишни режалаштирмоқда. Ушбу лойиҳа учун тайёргарлик тадбирларини ўтказиш учун Жаҳон банки вакилларига бу шаҳарларнинг картографик материаллари керак.

«Бундай маълумотларнинг тақдим этилиши Совет Иттифоқи қонунчилигига асосланган қонунчилик ва норматив-ҳуқуқий ҳужжатларга таянувчи муайян тасдиқлаш тартиб-қоидаларига алоқадор», - дея таъкидлаб ўтди «Давергеодезкадастр» раиси ўринбосари Шерзод Ҳабибуллаев.

Когон, Чортоқ ва Янгийўл шаҳарларига ортиқча бюрократик жараёнларни бартараф этиш ва синов лойиҳаси устида имкон қадар тезроқ иш бошлаш учун махсус мақом бериш эҳтимолий ечимдир.