Қўшимча функционаллар
-
Тунги кўриниш
Швецияда ишлаш талаб этилмайдиган ва мўмайгина маош тўланадиган иш таклиф қилинмоқда
Швецияда ишлаш талаб этилмайдиган иш таклиф қилинмоқда. Ишчидан эрталаб ва кечқурун муайян соатларда чироқни ёқиш ва ўчиришгина талаб этилади. Қолган пайт у бўш бўлади. Бунинг учун ишчига 2,3 минг доллар маош тўланади.
Фото: Getty Images
Швецияда “орзудаги иш” таклиф қилинмоқда. Бу ишда ишлаш талаб этилмайди. Ходимдан Гетеборгда қурилаётган Korsvägen станциясига келиб, иш кунининг бошида ва охирида чироқни ёқиш ва ўчиришгина талаб этилади. Қолган вақт у бўш бўлади.
Вакансиянинг таърифида ишчига ойлик маош ҳаётининг охиригача тўланиши айтилган. Иш берувчи бутун дунёдан ушбу ишга кириш учун 125 та ариза олган. Аризалар нафақат Швеция, балки АҚШ, Филиппин, Тайван ва бошқа давлатлардан жўнатилган.
“Умрбод лавозим” деб номланган ушбу лойиҳа муаллифлари рассомлар Симон Голдин ва Якоб Сеннебю ҳисобланади. Улар бу иш учун 2,3 минг доллар маош тўлашга тайёрлар.
Арт-эксперимент муаллифлари ойлик маошни 120 йил давомида тўлашмоқчи. Бу маблағларни Швеция бадиий кенгаши ва транспорт бошқармаси ажратган.
“Орзудаги иш”ни Гетерборгда яшовчи ёки унга кўчиб ўтишга тайёр бўлган одам олиши мумкин. Лойиҳада йил сайин тобора кучайиб бораётган жамиятдаги тенгсизликка эътибор қаратиш мақсад қилинган.
Мавзуга оид
15:43 / 20.11.2025
Ўзбекистон ва Швеция ўртасида органик қуёш батареялари бўйича ҳамкорлик йўлга қўйилмоқда
09:10 / 15.11.2025
Стокҳолм марказида автобус бекатга келиб урилди: ҳалок бўлганлар ва жароҳатланганлар бор
14:08 / 29.10.2025
Швецияда 13–14 ёшлилар учун ҳибс марказлари жорий этилади
11:40 / 30.09.2025