Олмаота – Тошкент поезди энди кўпроқ қатнайди

Олмаота – Тошкент поездининг ҳаракатланиш давомийлиги ошади. Бу ҳақда Tengrinews.kz хабар бермоқда.

Хабарда айтишича, Самарқанд – Остона йўналишидаги “Нурли жол” янги темир йўл поезди қатнови ҳам йўлга қўйиляпти.

Хабар берилишича, 2018 йилнинг 18 мартидан 1/2-сонли Олмаота – Тошкент поездининг ҳаракатланиш давомийлиги ҳафтасига уч мартага кўпайтирилади. Олмаотадан Тошкентга йўл юриш вақти – 17 соату 17 дақиқа.

Шунингдек, 2018 йилнинг 1 апрелидан 251/252-сонли Самарқанд – Остона йўналишидаги “Нурли жол” халқаро поезди йўлга қўйилади. У ҳафтасига бир маротаба Остонадан сешанба кунлари, Самарқанддан эса – якшанба кунлари ҳаракатланади.