Фото: Франциянинг 9 минг киши эгалик қиладиган ҳашаматли қасри

La Mothe-Chandeniers ажойиб ва романтик услубда барпо қилинган француз қасри бўлиб, гўёки эртаклар оламидаги бинолари такрорлайди. 13-асрда қурилган тарихий обида бугунги кунда ташландиқ ҳолга келиб қолгани сабабли унинг миноралари ва бинолари вайрон бўла бошлади.

Аммо яқинда дунё бўйлаб 9 мингдан ортиқ киши қасрни сақлаб қолиш ва унга янги ҳаёт бахш этиш истагини билдириб, бу ишда ҳисса қўшишга қарор қилди. Ҳозирда бу лойиҳани қўллаб-қувватловчилар сони ортиб бормоқда. 

Ҳар куни камида бир киши қасрни асраб қолиш жамғармасига ҳеч бўлмаганда 50 евро пул ўтказади. Бунга жавобан у донор сифатида қаср эгалигини қўлга киритади. Албатта, уларнинг барчаси у ерда истиқомат қила олмайди, бироқ тарихий обиданинг янги ҳаёти бошланганида унинг эшикларидан биринчи бўлиб кирувчилардан бири бўлади.

La Mothe-Chandeniers қасри 1930 йили аланга домида қолган жиддий зарарланган.

Ҳашаматли бир неча асрларни кўрган бино Ғарбий Франциянинг Les Trois-Moutiers шаҳрида жойлашган. Сув ҳавзаси билан ўраб олинган иншоот ўтлоқ манзарада ажойиб кўринади.

Baucay оиласи томонидан қурилган обида 2 марта Англия армияси ҳужумига дош берган. 

1800 йиллар бошида парижлик бадавлат тадбиркор Francois Hennecart обидани қайта тикламоқчи бўлган. 19 аср охирларида унинг эгалигини Барон Lejeune Edgar эгаллаган. 

Аммо 1932 йилги ёнғиндан сўнг, бино бутунлай яроқсиз бўлиб қолган. 

1981 йили ўқитувчи Marc Deyemer вайрон бўлаёзган обидани қайта тиклаш илинжида сотиб олган, аммо маблағ масаласи туфайли ўйлаганларини амалга ошира олмаган. 

Лекин шу билан барчаси тугади, дейиш нотўғри бўлади. 2017 йил октябрида бошланган краудфандинг ташвиқоти натижасида тарихий обидани сақлаш қолиш имконияти пайдо бўлмоқда. Dartagnans.fr сайти ва Adopte un château уюшмаси лойиҳага бош қўшди. Маҳаллий Sauvons le château de la Mothe-Chandeniers гуруҳи ҳам ўз ёрдамини аямаслигини билдирди. 

Краудфандинг воситасида 9 мингдан ортиқ инсон қатнашган ва 750 минг евро (880 000 доллар) тўпланган. 

Шундай қилиб, ҳозирги ҳисоб-китобларга кўра, 2018-2019 йилларда янгиланган эски қаср ўз эшикларини очиши мумкин.