Lada XRay Cross йўлтанламасининг суратлари намойиш қилинди

Тольяттидаги умумфойдаланиш йўлларида Lada XRay хэтчбегининг барча йўлларга мўлжалланган модификацияси пайқалди. Қисман камуфляж билан беркитилган прототипнинг суратлари “RCI Российский Автопром” ҳамжамияти томондан намойиш қилинди.

Хэтчбекнинг стандарт версиясидан барча йўлларга мўлжалланган Cross версияси ғилдирак аркаларидаги ва эшик остонасидаги пластик деталлар, 17 дюймли ғилдирак дисклари, катталаштирилган йўл билан оралиқ (клиренс) билан фарқланади. Клиренс 195 мм дан 200 мм гача оширилиши тахмин қилинмоқда. Машинанинг серияли версияси 2016 йилда тақдим қилинган XRay Cross концептига ўхшаш бўлади.  

Аввалроқ серияли XRay Cross кроссовери Renault Duster моделининг тўлиқ приводи билан жиҳозланиши маълум қилинган. Бироқ ундан нархи юқорилиги ва вазни оғирлиги сабабли воз кечилган. 

Lada XRay Cross жорий йил охиригача савдода пайдо бўлади. Унинг нархи одддий хэтчбекникидан 40-45 минг рубль қимматроқ бўлиши тахмин қилинмоқда.

Айни вақтда Lada XRay хэтчбеги 1,6 литрли, 106 от кучига эга ҳамда 1,8 литрли, 122 от кучига эга моторлар билан таклиф қилинади. Узатмалар қутиси 5 поғонали механик ва робот кўринишида. Моделнинг нархи 615 минг рублдан бошланади.